اليك

اكتب بين هذه السطور لاقول لك بضع كلمات

اكتب وكلي ثقه انك لن تعرف به ابدا

لن تقرأ ولن تعرف ماكتبت اليك لا في حياتك ولا في مماتك

اتعرف لماذا ياهذا...؟

لانك لم تكن يوما قريبا مني او تعرفني

رغم انك مجبر على ان ترعاني

وانا مجبر على طاعتك

ولكن دعني اكمل ارجوك..؟

لكن اسمحلي ان اقول انك لم تكن يوما انا

بل كنت راعيا لثمرة ترعاها

لا تعرف ماهو حقها

ولكن تعرف فقط كيف انت تريدها

لم تترك يوما لها الفرصة لتكون ذاتها

بل كانت انت

اسمحلي ان اقول لك ماقلته لك مرارا وتكرارا

اسمحلي ان اقول ما اعرف انه يجرحك

انت لم تكن عبدا لربك انت عبد للمال

نسيت ان المال لن يرسم من نفسه السعاده بداخلنا

نسيت انه عونا وليس غاية

نسيت ان ليس لك عندنا ذكرى

نسيت ان عند موتك لن نتذكرك

اتعلم لماذا لانك لم تكن في حياتنا يوما

وان وجدت

كنت مخزون للمال

لم تعلمنا ماهو الحنان

تعلمته من نفسي ممن حولي

تعلمته ممن انت تبغضهم

لماذا.......؟ لانك تراني اقرب اليهم منك

لم تسال نفسك لماذا

ولكن سالت نفسك كيف امنعه

لم تبحث عن سبب ولكن بحثت فقط عن نتيجة

نسيت ان لكل امر عواقب ونسيت ان نتيجة لمنعك لي تكون بغض وكره لك

ليس لذاتك وانما لما انت عليه

ابي احن اليك في محياك

وساسعد عند وفاتك

لا تستغرب فانا اريد اب

اريد اب له ذكرى

له حنان

اسمحلي ان اسالك.....؟

اين كنت عندما كنت انا صديق للمرض ...؟

اين كنت لتنتشلني يوم بكيت على حالي....؟

اين كنت انت عندما تمنيتك بجانبي....؟

..!!.اتعلم انني اعرف اين كنت

كنت عبدا ولكن ليس في الارض؟

لماذا واين .....؟؟

اين....في الغربة

لماذا....لانك اردت ان ترعاني وتوفر الراحه

نسيت انّ نصف العلاج يكون بوجودك

ابي اسمحلي ان اعتبرك ميت منذ ان قررت ان تسافر

ابي هل تعرف ان رؤياك عند نهاية كل عام كانت كدخول غريب بيننا

اتعلم انني كنت اتمنى سفرك ثانية باسرع وقت

ابي انا لم استسلم لهذا الشعور ابدا

ولكن من شاب على شيء اصبح منه

وانت اصبحت من الغرباء

ابي انا لا اكرهك ولكن اكره ماانت عليه

ابي اتعلم

انا لا اتمنى ان اكون مثلك

ابي اتعلم

لست انت مثلي الاعلى

اتعلم مثلي من

.........؟!!؟

مثلي هي الدنيا

مثلي.... ان اكون حنونا على الكل

مثلي...... ان اساعد في رسم الابتسامه عند الكل

مثلي ......ان احافظ على اهلي ولو بالقوة

ابي ربيت في داخلي الخوف من المواجهة

اتذكر ونحن نجلس ووجدت ذلك المصري وهو يضرب امام عيني زوجته

وكل ماقلته انت

ايه اللي خلاه يتحط في الموقف ده

لم تدعني اساعده ولم تدع نفسك تساعد نفسها

تخيل لو انك وضعت في مثل هذا الموقف

ابي ذلك المصري كان يُضرب من اجل ان يحافظ على كرامة اهله

ولكن احب ان اعرِّفك ليس الاهانه في عدم المواجهة ولكن الاهانه في الهروب

ابي يكفيني شرف المحاولة

ابي

ان تندم على مافعلت خير من ان تندم على مالم تفعل

ابي

ياليتني اخترت ابي

ابي كتبت اليك مالن تقرأه في حياتك او مماتك

فهلا كنت ياربي الي خير مهدي وراعي

ادعوا لنفسك يابي قبل ان تدعوا على من تدعوه ابنك

ابي لم اقدر ان ازين كلماتي

لم اجد ما يعبر عما في داخلي من صور

ولكن تمنيت ان اخرج قليلا منه هنا

بين من يفهمني ومن ليس عنده مصلحة من كلماتي

ابي رفعت كل الحدود

وتنازلت عن كل القيود

ولا ان اضع اتزاماتي

ابي اتمنى ان تعود ولو لايام

ابي اريدك ان تعلمني كيف ان تكون ابا

ابي اريدك ان تعرفني كيف يكون حنان الرجل

ابي فلتذهب الى ما تتمناه وليكن راعيك هو الله

ولكن اتركني لحالي

اتركني اهتدي لذاتي

ابي شكرا على مالم تفعله لي

من احلى ايامي

مش عارف هاكتب اقول ايه بعد الغياب ده كله بس هاكتب

هاكتب عن يوم حسيت فيه بالجمال رغم الشوائب رغم لحظات الحزن

بس للي مكنش يعرف انا كنت مسافر ورجعت باقلي اسبوع

النهارده كان يوم عادي جدا صحيت من النوم لقيت نفسي داخل نت وبدون اي تفكير اوي حسابات

ببص لقيت عالم المدونين فايقين وصاحيين وببص لقيت نفسي في الكونفرنس معاهم

ياه احسا غريب حسيت بالانتماء

ان فيه حد بيهتم بوجودك معاه

ابتسامه مفيش منها اي هدف غير ضحكة صافية

وحتى لما انت بعدت عنهم اهتموا يقربك ليهم

تخيلوا بقى انا حبيت اقفل المدونة بس فيه حاجه غريبه بيني وبين المدونة

احساس اننا هي وهي انا بس معرفش مقدرتش وخلاص

المهم بغض النظر عن احساسي لما جيت مصر وبتاع

الحنين والفرحة والضحكة ومشربتش من نيلها

خلينا في النهارده

اه وحياة ابوك خلينا في النهارده احسن مش عايزين نعرف

لا احساس ولا نيله خلينا في المفيد وقصر قصر هاه بلاش كدا احسن اتخنقنا

المهم اتفقنى اننا هانتقابل في الساقيه النهارده

بدأت اول المصايب الفكاهية بايه

ركبت السياره(حلوة السياره دي)

ركبت وكلمني اودي عادي بقى

قلي انزل المؤسسه واركب من هناك رمسيس وانا هاستلم منك القياده لما اقابلك

والمشكله اننا نسيت فين الموسسه

مابيعرفش يوقفها مابيعرفش يوقفها

خير اللهم اجعله خير لقيت نفسي في عبود راحت فين المؤسسه

راحت لحال سبيلها

طب هو كان قايلي اركب مترو او عربية من المؤسسه

محدش شاف مترو معدي من هنا

في دماغي بقى الطرماي اللي فوق الارض

لقيت ان عبود بين رمسيس والمؤسسه

المهم الحمد لله ركبت ومتسألونيش ازاي دخلت جوة الميكروباص

هو الركوب تلقائي توماتيكي توماتيكي ويويلك لو وقفت في وش التيار

سبحان الله لقيت الدنيا زحمة وقرف وزباله

ياي يامامي ايه القرف ده هي البلد دي هاتفضل زبالة علطول

هناك في الكويت الشمس بتلسع وكانك حطيت ايدك على النار

هنا الشمس بتلزق وتقرس ازاي

(لا محدش يفكر غلط انا مستحمي قبل مانزل ونضيف)

وانا راكب ببص في عيون الناس كلها مش هموم كلها مليانه كلام كتير

فيه الوش المرسوم عليه ضحكة الشقى والتعب و........

والتاني وش متاخد مطوة في وشه

والتالت طفل صغير مرسوم على وشه بالالم الاسود ولا الفحم

متعرفش ده كان في الحرب ولا اتسرقت منه طفولته

اه يابلد لو تعرفي قيمتك عندنا مكنتيش بهدلتينا كدا بس ربنا على المفتري

ده عيله واطيه وكدابه

يارتني ماجيت ولا شفت الناس دي

طب عايز اعرف امال الحنين للبلد دي موجود ازاي

محدش فاهم

وحياة ابوك مش ناقصه غم ونبي (بطل ياد غم انت جاي تكتب على اللي انت حاسه ولا جاي تقضي وقت جميل)دي سمرا

قابلت الواد اودي (عادي بقة)

شربنا بيبسي وكنت قرفان من المناظروحال البلد

ساعتها بس قلت يارتني ماجيت ولا شفت ولا اتغميت

المهم ركبنا ونزلنا وتهنا وبنبص لقينا الحظه الموعوده

انووج وعمرو واحمد ومنى وسالمي قريبة لميا

مين دول محدش يسال انا عرفتهم كدا ومش عايز اعرف همه فين لانهم بشر انسان

شخصيات زي العسل اوي اوي اوي ومش نحس خالص خالص خالص

مش عارف وانا رايح رغم اننا عارف الناس دي عن طريق الشات والمدونات

وكل واحد كنت راسمله شخصية في دماغي لقيتها حاجحه تانيه خالص ابسطها

انجي سمراء النيل انها انسانه مجنونه جنان دون تفاهم

ببص لقيتها جنان رسمي ولسان انما ايه (لا يعم احسن انضرب)

لسان بينقط عسل بيجيب اخر الشارع (;

وعليها حتة ضحكة متعرفش تاخد منها بريك ابدا ،هي مقطوعه نص ساعه اجباري ( اموت واعرف رشتي الميه ليه)

وعليها حبة حب لطروووق حبيب قلبها خطيبها مقلكمش عليه لما تشوفوها هاتعرفوا قد ايه ربنا هيسعدهم ان شاء الله( انا مش بحسد انا بقر بس

والواد عمرو اريدك انثى متزعلش اريدكيييييييييييييييييييييي كنت فاكره طخين ومكلبظ وبدقن

طلع عكس كدا تماما في كل حاجه

زيي كدا طلعنا زمل يعني

وطلع بنظاره طلعنا اخوات في كل حاجه

طبعا منى و......

اول يوم اعرفهم رغم ان مدونتهم غريبه عني مدخلتهاش قبل كدا (لا متضربوش حاضر هادخل واشوفها اهه)

المهم طبعا ياجماعه ركبنا مشي شوية وبعد كدا قالولي قاالولي وياريتهم ما قالولييييي

عايزين نشوف تاكسي نركب معاه يوصلنا سنترال الزمالك

قلتلهم من عنيه على اساس اننا هانركب كلنا

ببص لقيتهم قالوا همه قالوا قالووواااااااا عايزين حد يركب مع البنات

وانا قلت عادي يالله انا في وسط تلات بنات بقى برستيج وبتاع وهمه اللي هايشيلوني فوق راسهم

ركبنا التاكسي وياريتنا ماركبنا

اموت واعرف مين اللي وشه نحس

ابص الاقي التاكسي طردنا ابشع طرده قال ايه ( الطريق مقفقول ومش نافع اطلع فوق كل ده)

هو انا اغيب كام شهر الاقي الناس بتركب التاكسي بمزاج السواق

في اوروبا والدول المتقدمه التاكسي احنا بنركبه بمازجنا مش بمزاجه

اللي ناقص اننا نقله عايزين الساقيه يقلنا لا تعالوا غصب انا رايح اكتوبر

هو احنا اللي راكبين ولا هو اللي راكب

وتنزل البنات زي ما يكونوا ماصدقوا وادفع ياحازم (منه له)

( على فكره انا دفعت ضعف مرتين اللي انتي قلتي عليه اول مره خالص)

ونزلنا وشوية نلاقي خير اللهم اجعلوا خير شبورة جايه من بعيد وكلها ابيض في ابيض

متفهموش

تقريبا كانت الدخله بتاعة اودي وعمرو احمد بمؤثرات شمية وجازيه

كان الجاز قدام العيال وهي راكبه التاكسي طول الطريق

وجه ردمنا احنا كمان ونالنا من الحب جانب

وتخيلوا بقى المفروض ان اودي وعمرو لما يشوفونا انا والبنات واقفين في الشارع

قال ايه يقوموا ينزلوا من التكسي ويركبوا البنات على الاقل

ببص لقيت ولا كانهم هنا

اه على النداله كله قال يالله نفسي

كل اللي انا فاكره في اللحظه دي الدخان والجاز وريحته الجميله وهو موجه الينا مباشرة من فوهة المدفعيه

والتاكسي بتاع اودي ماشي وراه وعمالين يغنوا ويقولوا ادينا كماااااااااااااااااااااااااان

ويشموا ويشدو

ويغنوا ادينا كماااااااااااااااااااااااااااااان

وفي غضون دقائق راح الدخان واصبحت الاجواء صافيه

والناس تكح واللي شوية وهايموت

وكل ده الله اعلم العيال في التاكسي بقم ايه من تعميرة الجاز الل ي واخدنها طول الطريق

وفي ثانيه كل الناموس اللي المفروض انه مات قال( في ثانيه تلاقي النموسه والدبان طالع يقول وسع احنا الجيل الجديد لا ياثر فينا جاز ولا حتى البنزين)

وبعد فتره ركبنا التكسي وانا دفعت كمان مره

والتاكسي كان عايز يرحب بينا اوي ويريحنا من الموبيلات

بس على مين الحمد لله رجعناها الحمد لله

بس عجبني اوي حركة انك يانجي انتي وسالي ومنى تبصي وانا بدفع دفعت كام وتعدوا تتهامسوا مع بعض وانا طالع من التاكسي

وانا اللي قلت هايدفعوا وبتاع ويقولوا خد ياحازم كفايه عليك المره الاولى

بس اشوف عمرو واودي

المهم وصلنا الصاوي

(ياه هو المشوار كان طويل اوي كدا ياخي قرفتنا كل ده عشان عايز تروح الصاوي طب كنت تقلي كنت كتبتها بدالك ذهبنا الى الصاوي)

واتعرفت على بقيت المجانين

اه اصل كلنا كنا مجانين

عارفين ليه

لاني بصراحه كنت فاكر اننا هاقابل ناس رايحه عشان سوري (تصيع)

زي مالواحد بيسمع

وتتعرف على بنات او بنات رايحه تتعرف على صبيان

اكتشفت انهم مجانين اصلهم قليلين في الزمن ده

لقيت شوية شباب بنين وبنات جمعهم هدف اسمى من الكلام الفارغ ده كله

هدفهم حياة افضل حلم يحققوه

حلم انهم يعيشوا يد واحده تفكير واحد يرفعوا ويأذروا ويقفوا جنب بعض

شباب خايف على بعضه

شباب حب يحلم ويكافح فحب يشارك بعضه بعضا من هذه الفرحه

بجد لو شفتم ضحكة علي وابتسامته وفرحته

كنتوا عرفتوا انه نفسوا يصرخ ويقول همه دول اصحابي جايين يقفوا جنبي جايين يساندوني في يوم من عمري

بس بجد انت كنت جامد طحن

وبالذات اول اغنيتين خلتني ادمع عارف ليه لاني انا كنت مسافر ومبقاليش غير اسبوع هنا

اه مش فاكر اسمها لان الزوفت الموبيل مكنتش عارف اسجل بيه انا عايز الاسطوانه ممكن ياباشا

بلييييييييييييييييييييز حد

يخدلي واسطه عند علي ويجبلي منه الاسطوانه ممكن

واغنيتك قلبتلي المواجع وحركة في الحنين والاحساس بجمال البلد وروعتها

بجد انت جامد وربنا يسعدك

المهم بجد لا شفت حد بيحاول يتعرف على حد ولا حده بتحاول تعاكس حد

كل اللي شفته شباب حابب انه يعرف تفكير جديد

يفتح لنفسه دنيا جديده مع كل مدون يعرفه

وياه لما جه طارق ياه على ابتسامة وضحكة انجي

كانت عايزه تاخد كل واحده وتقول لطارق ده فلان عمل كذا وكذا

وتقول ده طارق سلب مني حياتي وخدها عنده

ياه لو شفتم مسكة اديهم

ياه

اللهم اسعدهم ووفقهم في حياتهم واسعدهم يارب

واه لو شفتم اودي ( عادي بقى) نفسي اخنقه

كانت عنيه عايزه تدمع وتبكي

عنيه كانت بتلمع في الضلمه( متخفوش مش قط وبيتحول )

ولما كان قايم يمشي لو بصيتوا على رجله كنتوا هاتشوفوا خطوتة وهي مهزوزه عايز يوعد ومش قادر ولازم يمشي ومش عايز

لو شفتم سلامه على الناس كانه مخنوق ونفسه يقلهم تعالوا معايا وصلوني لاخر لحظه

بس الاصول كان لازم يروح وانا بصراحه كنت تايه ومعرفش اي حاجه في اي حاجه\

فكنت متطر اننا امشي مع القائد الاعظم بتاعي

محموووووووووود افرح ياعم عملتك قائد وعملتلك شوية جو اهه

وحشني ياااد

ربنا يخليك يارب للغلابه اللي زينا

ويخليلك البيت يارب ويوفقك ومتقلقش ربنا شيلك كل خير

وكان ده يوم من ايام عمري

حسيت بيه بكياني الضايع وبحياة انا ضيعتها من ايدي بسفري

وعلى فكره محدش يزعل اذا مكنتش جبت سيرته

لاني انا كاتبه لاني عايز اكتب

بس مش هانسى التاكسي ده ابدا

وانا اللي قلت انجي هاتقول هو بمزاجك ولا بتاع ولا تديني اي حقنه واقوم شادت وهابب في الراجل ببص لقيتهم تلات قطط نزلوا ونطوا جري

ماهو مش العيب عليهم العيب على اللي مش عارف اي حاجه في اي حاجه ولا راح فين ولا جين منيين

كان معكم العبد لله انا

مش عارف مين فين راح منين

البلد اتغيرت اعملكم ايه

يالله اشوفكم على خير قريب

ربنا يسترها

حنين واحلام كاذبه

زي اليوم كنت عايش هنا على الارض دي ومعايا ناس كتير
كنا لسه اطفال جوانا ضحكات صافيه
نتفق نتقابل نطلع الخليج نلعب في الشارع نجري مكناش بنعمل لحد حساب
ودارت الايام
ورجعت لنفس المكان بعد مالعمر عدى وفات
شوارع كلها ابراج بالعشرين والخمسه وعشرين دور
والبيوت ناسها اتغيروا وسكنتها ناس ملاها الهم والتعب
وفيه نفس الناس ونفس الوشوش بس تراب الزمن ملاها
وياسلام لما تتصل بحد فيهم
وتبص الاستغراب مش من وجودي هنا
لا من احتفاظي بالارقام
ورغم تغيير الارقام التلفونات بتاعتهم لكن وصلتلهم
واللي قابلته تيجي تحضنه وتبوسه

بقه الاحضان المصريه والصحه المصريه
تلاقي الرد كل البروود وكأني كنت معاهم البارح
ولما تضحك بطفولة وتاخد راحتك ، اصلهم همه اصحاب الطفولة
تلاقي رسمة الاستهزاء والستغراب على كل عين وكل كلمة
وياسلام لما متسالش ولا تتصل ولا بتاع تلاقيهم بيتصلوا ويسالو

********
والبيت هنا هو نفس البيت بس مش نفس العفش ولا نفس النظام
حتى ذكرياتي فيه اتمسحت مع تغيير النظام
ركن المذاكرة اتشال

مكان النوم اتحط مكانه الكمبيوتر

وكله اتغير ومبقاش فيه ذكريات

ياه تخيل بيتك وانت غريب فيه

حتى اخويا وابويا تخيلت هاعيش حياة تانيه معاهم

هاعيش مع ناس بحبهم ووحشني الجلوس معاهم

لقيت الاب مش حاسس بالخنقه اللي انا فيها

وفاكر ان القعاد من غير شغل سهل

فاكر ان الشغل هايجي بين يوم وليله

اه يمكن هو بيقسى عشان مصلحتي

الغربه علمته القسوة

علمته انا وبيتي ومن ثم الحنان

لكن نفسي احس بالانسانيه جواه

كل اللي عليه بطل الطفولة دي

انت بقيت انسان مسؤول

طب ايه علاقة المسؤولية بالطيبه بالمحبة

بالهزار ولا الضحكة ولا حتى السؤال عن الناس

انسى بقى الصحاب وبتاع انسى الوهم اللي انت فيه

ياه اصبح الحنان والمحبة للناس وهم

انسى الاصحاب محدش يفيد فيهم حد

ومبقاش فيه اصحاب محدش في الزمن ده بقه همه غير نفسه

ليه هو انا مليش اصحاب ليه معنديش همس الوجود

معنديش اخ انسان اسمه مصطفى بكري

كان مجرد شخص اعرفه بس اصبح بالنسبالي اكتر من اخ

ربنا يكرمه هو ومراته يارب

هو من الناس القلائل اللي احترمت فيهم الاخوة والصداقه والصراحه

مفيش صاحب اسمه ضياء رغم همومه كلها لكن البسمه على شفتيه علطول

كل يوم لازم يدخل نت عشان يطمن حتى لو كلمة واحده

معنديش شلة الاس اي

معنديش اخت منها انما ايه

وصديق انما ايه تمام

معنديش اخواتي في التدوين

وغيرهم كتير كتير

ومش هاعد حتى المدونة بقالي اصحاب بمعنى الكلمه واخوات كتير

كل دول والدنيا مش لسه بخير

طب اقله ايه ولا ارد بايه

واخويا نسي اننا السبب في ان جوازه يتم بنفس الشكل اللي كان بيحلم بيه

ومواارهوش غير انه يشتغل على النت ويسبب في الخناق مع ابويا

موراهوش غير مراته رغم انها طيبه جدا

بس مش بيحس بحد غير نفسه ومراته

حتى انا عشان محسسهمش اننا تقيل عليهم بقيت اغسل واطبخ وانشر حتى الغسيل

ومن غير ماحد يساعد ولا يفكر حتى يساعد

وبقيت شغلتي شغاله

حتى لما اجي اتكلم مع حد من اهلي على النت سواء شباب او اطفال

الاقي اللي يقلي قوم اغسل ولا نضف بدل مانت قاعد كدا وسيب لاخوك الجهاز

طب ياعم الحاج انا لسه قاعد

ولا حياة لمن تنادي

طب تخيلو العيله يدخلوا مخصوص عشان يكلموني انا بس ومش حد تاني هنا

من اكبر كبير لاصغر صغير

طب بزمتكم ده معناه ايه

بعد ده كله ممكن اكمل الحلم ولا افوق وابطل احلام

وارجع لارضي وامي قبل مانسى انا كمان ان ليه قلب

بعد ده كله احن للابوة والاخوه ولا اخاف واقول وبالوالدين احسانا واخفي اللي جوايا

بقيت اخاف من اننا اقول كلمه حلوة لبيتي لاحسن يخدوها تريقه

مفيش غير اختي

بحبها اوي وهي طيبه اوي وعارفه معناها ايه المحبه والعطف على الناس لسه ماخدتش من طبع القسوة

وحشتني اوي

وحشتني مصر وحشني كل انسان رغم تعبهم لكن جواهم قلب متنزلوش عنه

ناس لسه عارفه معنى الضحكة

مش وشوش ملاها الغضب والكره

وشوش عف عليها الزمان
يعني لما اكون مخنوق اجري على الناس ولا ادور على بيتي افضفض معاه

الاب على راي مها (غربة وطن) نسي انه اب وفاكر انه بنك بالنسبه لينا

ياه نفسي ارجع طفل

انا اللي على الشمال واخويا اللي على اليمين

احيانا بتمنى اليتم بس احيانا تانيه بقول الحمد لله

واقول انا هاجرب العيشه بعيد عنه

واتمنى واقول ربنا يطول في عمره يارب

ده هو برده اللي اكلنا وربانا

ههه ربانا

واحنا في مصر وهو في الكويت

ارجع واقول ده هو اللي عيشنا

ياه بقه الناس تخرج مع اهلها وانا واختي بينهم من غير اب

كل ده عشان المم والفلوس

ياخي يلعن ابو الفلوس اللي تموتنا من القهر

يمكن حد يعترض على كلماتي

بس انا في جحيم

نفسي ارجع الف بين المدونات وادون تاني مش قادر ومش عارف

واساسا ممنوع عليه الكومبيوتر وبدخل بالعافيه على الموبيل

ياه

هو انا دخلت في عالم غلط

ولا انا طلعت في طياره غلط

ولا انا اللي جيت هنا غصب

هو انا بحلم ولا ابقى متخلف لما اتمنى الضحك

ولا معقول يكون كل مسؤول لازم يكون قاسي

مالناس بتنطحن في شغلها

وترجع بيتها بتبتسم في وش ولادها

ايه هو ده حلم كاذب

ولا حنان لناس مش هي الناس

ولا كلام كانوا بيضحكوا بيه علينا

طب منا عايش كدا وماتغيرتش من صغري

يعني باسلوبي ده عرفت اعيش الى الان

يبقه انا مش غلط
ياه نفسي ابكي وادمع

بس مش لاقي حد يحس بيه

ودمعي بقه غالي عليه

ياه يامصر

رغم التعب على ارضك لكن علمتينا الضحكة وقت الزعل

خلتينا نشتم فيكي علطول لكن علمتينا القلب الصافي

علمتيني الفرحه بين الناس والبسمه بين الكلمات

علمتيني وقت البكى ابكي وان فيه الف قلب بيحس بصوت الحزن المكتوم

علمتيني ان بلدي هي مصر

عملتيني ان مصر هي مصر وفي كل عصر هي مصر

علمتيني ان كل شيء حلو معاه الوحش

وكان الحاجه الوحشة معاكي هي حكومتك

بس الشعب هو الاصل

يامصر بنادي باعلى صوتي

انقذي ولادك من بين ايدين الغدر

زمن غدر بكل من خرج بره مصر

زمن سرق قلب كل مصري واداله مال والف صخر

يامصر ضمي ولادك بين اديكي قبل مايمشوا وينسوا الاصل

يامصر نادي على كل ولادك نادي ورجعيهم

ده ولادك فيهم لسه قلب

قلب اتحبس في قفص كله دهب بس اسمه حبس

يارب اعرف ارجع تاني بين اهلي وناسي

يارب مايكنش حالي هو حال والدي

اتغرب ومش قادر يرجع لبلده مصر

يارب ماتكنش حياتي بره مصر

بحبك يامصر بمرك بوحشك بحبك يامصر

بس لو ولاد الكلب يبطلو يعضوا ايدك يامصر

يامصر مدي ايدك لكل قلب

ودوسي على كل ندل

محبط يامصر

محبط يامصر

************************************************************

ملحوظتين:

1- تم اضافة الاخت مها صاحبة غربة وطن للبلوج الخاص بهمسات بالمغنى وتم تنزيل اغنيه في البلوج لفيروز وتم تفعيل البلوج حاليا

2- معلش بالنسبه للتاج اناهاعمله يعني هاعمله ده التاج علينا حق بس التاج ده عايز دماغ
معلش لسمراء النيل ومعلش لاسراء ولمها واودي صاحبيكا وكل من كتب وانا مدخلتلوش بقالي مده

اخر كلام من ارض الحنان في يوم القلب والاحزان فبل الافراح

انا المرادي بكتب ومش عارف هاكتب عن ايه ولا ايه ولا ايه

ومش هاحط صورة كمان

عندي الف موضوع اكتب عنه

عندي كلام كتير اوي وخايف عليكم منه

عايز اكتب عن للي حصلي في فرح اخويا وعن الفرح نفسه

عايز اكتب عن تقضيتي النهارده الفلانتين ازاي وعملت ايه

عايز اكتب عن الساعه اللي بدأت تتدق وتنبهني ان ايامي بقت معدودة هنا في مصر

مش بقلكم انا عندي بلاوي

بس انا هاكتب عن الفلانتين كيوم في عمري

النهارده

بقالي اسبوع برتب ليه بمهد ليه وهاقضيه ازاي

ومين هاقله وحشني ومين هاقله بحبك ومين هاسلم عليه سلام الوداع قبل الرحيل

كنت رتبت اننا الصبح هانزل الشغل الله يرحمه اعيد على صحابي هناك

واجدد محضر الموبيل الله يرحمه هو كمان

وبعديها هاقابل همس الوجود واقضي معاهم بقيت اليوم وكنت ناوي اجيب ورد الصبح وانا رايح اقابلهم

وحلمت ورسمت اليوم بشكل خرافي

جيت البارح بالليل لغيت الجزء الاول من اليوم وقررت اخد اختي معايا اهه اسيبلها ذكرى حلوة وفسحه حلوة وتقضية وقت احلى قبل مسافر

وقررت اننا ندخل انا وهي سينما مطب صناعي

ونكمل اليوم وهي معايا

جيت البارح بالليل ببص لقيت همس الوجود

(s)

اعتزرت منا قلت قبل كدا الموت مابيفرقش بين كبير وصغير

وانكسر نص الحلم

بس حلفت لازم اعيش اليوم مع اختي واعرفها انا بحبها قد ايه

وجت بالليل من اقرب الناس ليه بووو

واتفقت تحضر معانا السينما

لكن كل المعتاد اتلغى الموعد وقررت اننا رايح انا واختي

واللي عايز يجي يجي وبلغتها بكدا

بس فعلا الغالي غالي وجت تاني يوم

بس عمر مالحلو بيكمل وقضينا ساعه مع بوووبس كان لازم السلام اللي انا كنت بهرب منه سلام الوداع

وجت اللحظه اللي دخلت انا واختي فيها السينما

وضحكنا وهرجنا وانا الوحيد اللي كنت بدمع

وطول الفلم كنت بسرح مع نفسي وبحلم بلحظه كان قلبي معايا وكنت بجيبله الورده واعيد عليه واشوف الفلم لحظة بكاء زينه دي الطفله اللي في الفلم

وانا اعيط وابكي وايدي تمسك الموبيل وتضرب النمرة وارجع واقول خلاص اللي كان

دا مابقش ليك سيبه يعيش اليوم مع الللي ليه

وعيش انت لحظة كدب واحلم باليوم ده مع اي حد تاني

وارجع واضحك واتعايش مع اصوات الضحك المتعاليه في الصاله

وتشدني لحظة يأس من ميمو لما يلاقي الكل بيحاربه

وفي نظرة بريئه من طفله زي العسل يسترجع لحظات اصعب ويقرر الحرب

وارجع انا اقول انا اتنازلت بسهوله انا كنت ضعيف في حبي

وارجع وابكي بصوت مكتوم واختي جنبي تبص وتستغرب وتقلي انسى وعيش الضحكه

وانسى فعلا واحاول اشد انتباه يسو-اختي- واقرب منها

وبشكل تاني احاول اطلع حنيني وحبي ليها

كان نفسي في لحظه اشد يسو واحضنها واقلها انا مش ضعيف

انا بس تايه وهارجع تاني ان شاء الله

وخلص الفلم بنهاية سعيده كالمعتاد

وكأن كل المشاكل ممكن تتحل في فيلم

اه يابلد نفسي اعيش فلم اكون عارف بدايته وعارف نهايته وانا في احداثه برسم وبخطط

وركبنا وفي طريق الرجوع اختي نامت وراسها مالت على كتفي واديها حضنت دراعي

ياه الله

بجد هاتوحشني البت دي نفسي بجد لو قدر الزمن ودخلتي يا يسو هنا تعرفي انا قد ايه بحبك

بصيت لوشها لقيت البراءه ولقيت انا بدمع

لا مش بحب العياط بس اختي دي هي انا وانا هي

احنا مش مجرد اخوات احنا اصحاب واحباب وكل حاجه كل حاجه

اختي هي الصغيره وهي البنت الوحيده وانا وهي دماغنا زي بعض بس احساسنا مش زي بعض

انا بحب الاطفال وبحب اعيش معاهم لكن محبش اعيش الطفوله

هي بتحب تعيشها وبتحب تعيش معاهم

انا بحب الحزن والصدق وبحب التجمعات وبحب كل الناس وعندي الناس ثم انا او بشكل اخر

الطوفان ومن بعدها انا

اختي بتحب الابتسامه قليلة الشكوى عزيزة النفس حتى معايا

بتحب اللي يحبها وتكره اللي يكرهها

مابتسبش حقها بتعرف تكون بارده وتنرفز اللي حواليها

بس بجد طفله وانا بموت فيها

انا وهي لينا جو خاص بينا محدش يفهمه زينا

ممكن نضحك مع بعض نتكلم مع بعض باسلوب

لو حد شافه ممكن يقول اننا اعداء وناس تانيه يقولوا اطفال

بس مهما كان مابنتكسفش اننا نخرج مع بعض

دنا حتى رقصت معاه في الفرح سلوو وبلدي كمان

وكل اللي موجودين قال علينا مخطوبين مش مجرد اخوات

دنا حتى كنت ايام الكليه بحب اروح اعد معاها ماهي كانت في نفس الكليه معايا

واهه بدأت الايام بتجري والايام بتعدي

وبقت لحظات واكون في الجو وبعدها انزل للارض وسبحان الله في مكان تاني خالص

مكان انا خايف اكرر فيه عمر فات

مكان مش هلاقي فيه اهلي ولا اختي

مكان مفيهوش غير شغل ونوم واكل

مكان لامجال فيه للحياة

وياريت كان فيه اللي يشارك المجهود ده ولا حد يشاركك الحلم

وساعة التعب تلاقي الصدر اللي يقلك ارتاح تعالى هنا في حضني

ولا حد يهتم لما تبتسم في وشه ويملا عليك الدنيا

او حتى يخفف عليك لحظة تعب ويشيل عنك الهم ويسيب مكانه الفرح

بجد هاتوحشيني يا يسو

هاتوحشيني يامصر

ياعمري اللي فات واللي جي

هارجعلك تاني ومش هاعيد مشاور العمر

هارجع لحضنك واجمع حوليه كل الاهل

واملا ليلك بضحكة من كل قلب

واخر الليل انام في حضنك وانا سايبلك كل الهم

واصحى الصبح وابتسمكم لشمسك واقول يالله يامصر

نفسي اغمض عين وافتح الاقيكي يامصر غير كل عصر

ياترى ممكن ارجع والاقي ناس غير الناس

بجد هاتوحشيني يامصر

ودي بوسه لكل اتنين بيحبوا بعض وضحوا من اجل بعض وعرفوا يحافظوا على بعض

ودي تحيه ومواساه للي فهم ايه هو الحب قبل مايصارح المحب

قبل مااي حد يظلم الحب

ويارب ارجع الاقي يسو عروسه واعمل لها اللي معملتهوش لامير اخويا ربنا يقويه يارب

ودي وردة لقلبي الي انحرم في يوم بيحلم بيه بفرحة تملا عليه الكون وتنسيه كل اللي فات والي جي

ووردة بيضا لكل من تالم من بعد الحبيب وكان وحيد

ورده بيضا لكل من قدر الصداقة وعرف انها وقت الضيق

لكل من عرف انا محتاجه قد ايه رغم انه مجاش وكان ظهري في يوم الفرح

ووردة حمرة لكل حبيب وحبيبه

ورده حمرة لكل اتنين ربنا اسعدهم وعرفوا يبنو الفرح من الالف للحاء

وربنا يسترها وعيد حب سعيد

دعوة فرح

بسم الله الرحمن الرحيم

ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة

صدق الله العظيم

الاستاذ و الاستاذ

نبيل عمارة عبد الله شلبي

وزارة التربيه بالكويت مدير عام بالتعليم العالي

نجل الاول كريمة الثاني

المهندس : امير المهندسه : لمياء

وذلك بمشيئة الله تعالى

عقد القران

عقب صلاة الجمعه 2/2/2007 بمسجد الفردوس بجوار نادي المعلمين بمدينة قويسنا المنوفيه

وحفل الزفاف

الساعه الثامنة مساء الاحد 4/2/2007 بقاعة النيل- فندق كنج توت بدار المدفعية بالماظه

والعاقبة عندكم في المسرات

طبعا ياجماعه ده فرح اخويا امير وحنته وكتب كتابه والدعوة عامة وهاتبقه لامه وياريت بجد تفرحوني

طبعا انا بعتذر عن تاخير موعد الدعوة الى الان ولكن ذلك نظرا لظروف التحضيرات والاستعدادات

ورغم اننا عارف ان ملتقى المدونين غدا الجمعه 2/2 لكن بتمنى لو تتجننوا وتخلوه عندي هنا

حبي وحياتي 4

يوم لقاء الوداع

استيقظت اليوم وانا احلم رؤيتها

استيقظت وقلبي يدق من الفرحة
استعجلت الوقت لاركض اليها

اتخذت حجة السفر وانهاء الاوراق لالتقيها
التقيتها بعد طول انتظار
وفي لحظة تحول الحنين الى بروود اعصاب
مدت اليد وسملت عليها
قلبي يثب من الفرحة وعيني تكاد تدمع من الجمال
وبدأ لساني يتحدث
ولكن هنا كانت الصاعقه
لقد تحدث بالتفاهات
تحدث عن العالم وعن الزمان
تحدث لساني وكانه ليس انا
تملكه البرود والجفاء
وكأن من رأيتها ليست من دق قلبي لها
ليست حبي الاول والاخير
ماذا افعل ماذا اقول
لما انا هكذا
قلبي: ويحك ايعقل انك تتجاهلني هاكذا
ايعقل ان تكتم فرحتي هكذا
ايعقل ان تكون انت من انا بداخله
نفسي: هناك شيء غريب هناك زمن غير الزمان
لساني وعقلي: ليس هناك تغيير ولكن ظهورك وظهور قلبك قد يفسد عليها حياتها
قلبي ونفسي :ولكنها تستفذني لاتحدث
تسال عن تغير الزمن وتغيرنا
تسال عن هذا الجفاء
تسال اين انا
اين تلك الطيبه تسال اين هذا الحب
تسال وتسأل وعينها تنطق اكثر من لسانها
تثق في حبي لها وتسترجع الذكريات
تذكرني ان ليس لها مثيل
تذكرني بما ضيعت من بين يدي
وتذكرني انها تحن للقلب
تذكرني بما فعلته الدنيا بها
ورغم هذا
لا يزال لساني يتحادث عن الدنيا ولا يتحدث
شفتي تتصنع الابتسام وتداري دموع قلبي
عذرا ياقلبي
عذا يانفسي
عذرا ياحبي الاول والاخير
ولكن هذا لمصلحتك
تحادثنا عن الحب وتحادثنا عن الاصدقاء
وتجنبنا النظرات
ولكن هيهات في حب العمر
حب وللى وحب الحياة
وتمر الكلمات
وتنتظر الدقات
والحب يعافر في سجنه المنيع
وعندما حاولت انصياع للقلب
لمحت يدها ودبلتها
فكانت الرصاصه في القلب
وتراجع وتذكر القدر
يالها من ساعات
انتظرها بشغف واعيشها بالجفاء
وقلبي يدمع على الزمن
والكلمات ترقص بين التحادث والذكريات
ورغم القلب الصارخ للحب وحشتيني لسه على وعدي
ورغم نظرتها وكلماتها
هي : لو تغير العالم لن تتغيرانت ابدا
انا اعرفك اكثر من نفسي
ولكن هذا قناع ترتديه
ان الطبع يغلب التطبع
وانا اصبحت طبعك
لماذا تهرب
لماذا؟؟ انا احتاجك
اريد ان اشتكي لك
وقلبي يأبى الذل
قلبي : اعني وارشدني ياالهي
الهي
ثبتني على دينك وحبك وحب من يحبك
الهي اهدني خيرا واصبرني على دموع قلبي
قلبي اعتذر منك اليك واعتذر اليها عنك
وجاءت لحظة الفراق والوداع
لحظة اخر لقاء
لحظة من اصعب اللحظات
وكاني عند السفر لن اعود
سلمت عليها وفي لحظة تحدثنا عن كل ما في القلب
من خلال بريد القلب
وحمدت الرب على الثقة بين القلبين
وحمدت الرب ان البرود فُهم ماداخله من طبع
وفي الهاتف اعتذرت عن اللسان وعن العقل
وشعرت في صوته بالصدمة والندم من اللقاء على الوداع
لم يكن وداع او كان تخفيف الحنين
بل كان سكين في جرح يكاد يلتئم
ولكن الاهم ان الجرح لم يتلوث وانما حب
انها قلبي وحياتي
والله الستار
-------------------------------------------
اعذروني كتبت هذا للفضفضه وليس التعليق
لم استطع ان اكمل فترة الحداد ولم استطع ان ارتب الكلمات
عقلي لم يفهم هذه الكلمات ولكن قلبي يفهمها
كتبت كلمات قد تصعب على القراء

وشكرا للكاتبه مها على احساسها الراقي

واللي عايز يفهم يروحلها هي ابدعت اكثر مني في

اصعب لقاء
ومازال الخبر السعيد قيد الانتظار
وشكرا لمن ترك التعليق

رساله ممن لا يفرق كبير عن صغير

انا اللذي بامر الخالق اسير

انا اللذي يستهزأ بي الكثير

انا ومن غيري انا لا يقف بوجهي المصير

انا المؤمن يفرح بقدومي

ويخاف الكافر من سماع همساتي

انا ان اصبت قوما يجهلوني

تسمع انناتهم تسيل

انا من اخطف من الدنيا دون سابق نذير

وان اصبت قوما انتظروني

تسمع قلبهم بالدعاء يصيح

انا الجاهل يسود من اجلي

انا المؤمن يبيض من اجلي

انا اللذي لا افرق بين كبير او صغير

انا اللذي تعددت سبلي وللنتيجة وحيد

انا اللذي اتخذت لضحاياي من الارض سكنا

انا اللذي اتخذت مع المرض سبيلا

انا اللذي اتخذت الحادث سببا

انا اللذي يظفر بي المؤمن ويلعنني الكافر

انا ان رضي الله عن عبد اوصاني به الكثير

وان غضب الله اوصاني بالنسيان المرير

انه انا الموت

الحق نفسك ياعبد الله

حتى لا تندم وكن من المنتظرين

الحق نفسك يامن شغلتك دنياك عن اخرتك

-------------------------------------

انتقل اليوم الى رحمة الله تعالى اثر حادث

تعددت الاسباب والموت واحد

انه انسان من اقربائي من بعيد

في مقام ابن عمتي

لم اتعامل معه كثيرا سوى بالسلام وابتسامته ووجه البشوش

انسان كالشجرة النابته في ارض صحراء

انه اسامة شاب في مقتبل العمر

اتخذ من الصلاة سبيلا والمحبة صديقا

تعاهد مع البسمة ورسم القبول على وجهه بمحبة الله

كون عائلة ولم يبلى ثوب الفرح عنده

احضر الى الدنيا طفله ونعم الجمال

وتركها وحيده يرعاهاه الله ومن ثم الزمان

اسالكم الدعاء له لعل الله يغفر له ماتأخر من ذنبه

وانا يسكنه فسيح جناته

اللهم اسكنه واسكن موتى المسلمين فسيح جناتك

اللهم ارحمه واغفر له ولامة المسلمين جميعا

بسم الله الرحمن الرحيم

الحمد لله رب العالمين

الرحمن الرحيم

مالك يوم الدين

اياك نعبد واياك نستعين

اهدنا الصراط المستقيم

صراط اللذين انعمت عليهم

غير المغضوب عليهم

ولا الضالين

صدق الله العظيم

اعذروني سوف اتوقف عن التعليق حتى يوم 31/1/2007

وسف نعود اليكم بخبر سعيد لعل الله يسعدنا

ان يجعلها اخر احزاننا

حالة توهان

مش عارف ايه الحكاية

احساس فظيع لما تحس انك جواك حاجات كتير حاجات ملغبطه
خليط من الحزن والفرح
خليط من رغبة بالبكاء والضحك
خليط من الشعور بالضعف والقوة
خليط من الانهزام والنصر
شوية خرطبيتا زي مابيقولوا

-------------
واولهم

من كام يوم كنت طاير من السعاده
رابع يوم في العيد كنت في ستي استارز مع اصدقاء عمري
دول اهم اتنين قابلتهم صحيح كنا ناقصين واحد
بس انا اللي عملت فيهم كدا منا اللي خليتها تقرر البعد عنا
وهافضل شايل ذنبها طول عمري
اصلهم همس الوجود
همس الوجود همه حياتي
لو كنتوا قريتوا بوست قلبي وحياتي 3
هاتعرفوا همه مين
همه ناس عاديين جواهم حاجه جميله
لما تحس بعنيك وتتكلم بقلبك وتلغي عقلك
لما تبقه عايز تقول مليون كلمه في كلمه
لما تكون عايز تصرخ وتقول همه دول حياتي ومش عايز غيرهم
لما تلاقي نفسك ماشي في كل مكان في كل زمان
ومفيش غيرهم على لسانك وفي قلبك وشاغل تفكيرك
في اللحظه دي اعرف انك مع همس الوجود
كان جوانا خوف بنداريه كلنا جوانا خوف من الفراق من البعد ومن تلاهي الدنيا
بس عدى اليوم وانبصتنا وفرحنا وضحكنا وحسينا بتاثير الدنيا علينا
ياه دا من زمان مقعدناش مع بعض مضحكناش مع بعض كان بينا تلفونات وبس
وزي مابيقولوا الايام الحلوة بتعدي في ثواني ( ايهاب توفيق)ء
وكانت عنينا كلنا بتقول مع السلامه ياعمري اللي فات
مع السلامه ياأجمل حقيقة في الدنيا
ولاول مره واحنا ماشيين نحس اننا ممكن منشفش بعض تاني
وتاني يوم سافرت اول انسانه
(S)

دي بقه مقلكمش انا مسميها قطة مشاكسة

دمها زي العسل بحبها اوي اكتر من اختي

ميزتها ان طموحها كبير اوي

ونفسها تكون صغيره بس الدنيا علمتها

علمتها القوة الطيبه علمتها الجد والطفولة

عليها كلام زي السيف

بيجرح لكن بيساعد في عبور مليون ميل

فاكر كل كلمة وكل خناقه

فاكر كلماتها وهي بتعتزر

عمري مشفت انسان عنده القوة دي وهو بيقلها

كانت بتعلن انتصارها عليه في كل مره تكلمني

مش بقلكم بحبها اوي اكتر من اختي
ونرجع تاني ولاول مره نفضل نتصل بيها لاخر لحظة لاخر ثانيه على ارض مصر

وبدون ماحد من بقيت المجموعة يعرف ان التاني بيتصل

ده هي حتى زهقت وافتكرت ان فيه حاجه
بس مابينا مابنزعلش من بعض

ده حتى هي اول ماوصلت رنت وطمنتنا
واستنينا لغاية لما قبلناها على النت وفرحنا مووت
وفجأة اتقلبت قاعدة حزن وكل واحد جواه حنين كتبه وقاله

مالقلب بردو ليه طاقة

والدنيا مابترحمش اللي كاتم وساكت

اصل الدنيا رمت التراب على قلوبنا

وكان لازم نفتكر ان لينا قلوب

ونشيل اثر الزمن من جوانا
كل واحد كان بيحس بخوف كتبه وقاله
ماهي تاني واحد يبعد عن همس الوجود

اللي كتبت عنها يوميات قلب مستميت(H)بعد
ومقدرتش اداري خوفي من الزمن
ماهي كلها كام يوم واسافر انا كمان
(M) وهايفضل رابع واحد اخويا

ده بقه مقلكمش كنا نايمين شاربين مع بعض

نذاكر مع بعض نتخانق مع بعض

حتى الهم كنا نشاركة مع بعض

هو عنيد اوي ودماغه ناشفه

بس جواه قلب زي البفته البيضه

نفسي اساعده اوي اعرفه ان الدنيا محتاجه العب

اصله عايز يكون قاسي مع الدنيا

لكن جواه قلب مؤمن راضي بقدر ربنا

هو اول واحد حققلي معنى كلمة الصداقة اللي حلمت بيها

هايفضل هنا في مصر رغم انه بيفكر يسافر اقصد يهاجر

هو كمان زيي تعبان من الدنيا طهقان

بس ساكت مابيتألمش شايل جواه

ولما بينفجر مابيلقيش غيري انا وياه

بحبه وللابد مش هنساه

وخلاص هاتبقه همس الوجود مجرد همسه
بس انا خايف مكنش موجود

بس والله لازم افضل مع همس الوجود
لاننا جمعنا قلب واحد وحب واحد وخوف واحد
جمعنا صفاء وراحة

جمعنا صداقة واخوة
جمعنا عقل واقف وقلب نابض
يكفيني لانهم همه اللي علموني الدنيا

في وقت كنت تايه فيه وفي دنيا جديده غير الدنيا

عرفتهم اكتر من خمس سنين اكتر ماعرفت نفسي

همه دول همس الوجود

وهافضل اقولهم زي ماقلتلهم زمان

الصداقة منبع الحب والود

فالتبقى صداقتنا ينبوع ترتوي به اغادير قلوبنا ومطر ينعش ارواحنا

فالتبقى زهرة تنمو وتكبر في ظل علاقتنا ويرويها الحب والود الذي بيننا

بس هافضل حاسس بالضعف وهمه بعاد والخير لما بس اشوف وشوشهم

نفسي اعتذر واقول انا اسف اننا سبب في ضياع ضلع مننا

بس والله كان نفسي نرتبط

مش بقلكم حاسس بالعجز مش قادر اجمعهم
وهمه دول همس الوجود

-----------------

اما ثانيا

البارح جت اختي طلبت مني اساعدها في المذاكرة
ماهي اصلها في نفس كليتي
بس انا ماتعودتش طلب من حد مساعده
دنا حتى مكنتش باخد دروس خصوصية
بس عشان حاسس بصعوبة الكلية واللي بيتعمل فيهم فصعبانه عليه
مقدرتش اعمل معاها حاجه غير اننا اترجملها الماده
لكن اشرحلها ازاي منهج كامل وانا مكنش حد بيساعدني

ازاي اعرف اساعد وانا مكنتش بخلي البيت يساعدني
دنا مكنش حد بيشوفني وانا في الامتحانات ولا حتى بيعرفوا ان ورايا امتحانات
اصل اختي اخر العنقود واتعودنا ندلعها
بس اعمل ايه مش عارف اساعدها
مش عااااااااارف
حد يساعدني
والله نفسي اساعدها واللي هنا فاكرين اننا متكبر عليها بس هيه حاسه بيه بس مش لاقية وقت تعرفني
مش بايدي غير اننا اذاكر واحاول افهمها

نفسي لو قريتي الكلام ده ياسمونة قلبي
تسامحيني

واهه هاسيبها وهسافر ومش عارف في بعدها عني هاعمل منغيرها ايه
مش بقلكم حاسس بالضعف

--------------

وثالثا
اخويا اهه قرب يتجوز اول الشهر
ومش راضيين يوافقوله على الاجازه
وهو عامل زي اختي لما بيقلق بيتعب وبيجيله امراض الدنيا
وانا هنا مش عارف اعمله حاجه
اخويا ده من يومه وربنا تاعبه في حياته
ثانوية عامه مدخلش بيها الكليه اللي هو عايزها وبيحلم بيها
وفي الكليه وقع سنتين

ماهو اللي شال بنى البيت بتاعنا على كتافه ماهو كان راجل البيت
وهو اللي بنى فيلة عمي في البلد

وكان بسببهم وقع سنتين في الكلية
ولما خلص قعد سنه كاملة في البيت
واشتغل بعديه ست شهور في الصحرا هنا في مصر
ولما خطب كان بابا موريه الويل

مش بقلكم ده حمل زيادة عليّه

-------------

ورابعا

بعد الكلية عرفت مجموعة الاس اي
مجموعة شباب وشابات كنا بناخد دورة كوبيوتر دورة موس

بس كنا شباب فعلا وهافضل اقول انهم اختارونا على الفرازة
اصلنا عرفنا بعض وعشنا تلات شهور بس مع بعض

حبيتهم اوي اوي وكان منهم (اودي)صاحبي اصل العادي بقه
وكان فيها شريف شاب عسولة وجميلة اوي

عجبني فيه حبة لوالدته وحرصة على بالوالدين احسانا
وكان فها تامر البطاوي صاحب القلب الطيب
الاول علينا بس في الصفوف الخلفيه
وكان فيها محمد حافظ راجل ونعم الرجال

كان استاذ شكله وهيئته اكبر من سنه
وكان فيها محمود البكل
انسان بمعنى الكلمة اخلاق ودين وعليه حتة ضحة لا يمكن انساها
وكان فيها البنات

بونوكيو

عليها ضحكة وهم على القلب اتعودت تخفيه ورى ضحكتها

منا سمتها ( بوووو)ء

ونور وشمس وقمر وكواكب بنات بحق الكلمة

وفيولين ولوليتا عليهم حتة حرص ونظرة عين لاتعرف منها اه ولا لا

اكيد همه فاهميني لو قدر الزمن ودخلوا هنا
اقسمنا بالاخوة والمحبة ومتخيلناش اننا نكون كدا لبعض
بنبص لقينا اللي اتخطب واللي اتجوز

وكان لازم نحضر فرحتهم لاننا فرحنالهم
واللي اشتغل ودي اهم حاجه فرحتنا

،واهه تنفيذا لامر الطبيعه وتلبية نداء الزمن

الزمن خدنا وبقينا بالعافيه نشوف بعضينا

بس كفاية اننا لسه بنفكر بعض اننا لازم نتقابل كل اخر اسبوع
بس طبعا وحشني اوي شريف اصله مسافر مكان منا هاسافر
والبنات صعب نشوفهم لان هي دي عادات مجتمعنا
وياريتنا نطمن على اللي اتجوز واللي اتخطب
بس مليش غير قلب واحد جواه ناس واحده
قلبها واحد ومن جوانا ابيض زي اللبن

بس الدنيا شغلتنا

--------------------

مش بقلكم حاسس بالضياع منغير كل الي فاتوا

و نفسي اعرف اشوفهم وماقلش عندي ظروف

واساعدهم واشيل عنهم همومهم
كل دي حاجات خنقاني اوي
كل دول ناس حاببهم وفيه كتير حاجات تانيا كتير اوي
نفسي اعرف اصلح معاهم واعيش جواهم
زي ماهمه عايشين جوايا

حاسس انهم همه حياتي واستحاله الاقي زيهم تاني

بس ياما هانعيش ونشوف

والدنيا وخدانا ومش هاتهدى

ولا تسبنا وترمينا في خبر كان

شارع الغرام

ياريت تسمعوها وانتوا بتقروها

في يوم انا كنت ماشي من شارع الغرام

قابلت اتنين حبايب


في صمتهم كلام


شفت عيون بتبكي


وعيون بتقول سلاااااااام


لقتني باعلى صوتي


اصرخ وبقول حراااااااام


وخفت اشوف حكايتي قدامي من جديد


لقتني غصب عني


رحت عليهم جرييت


مسكت اديه بايدي


مسحت دموع عنيها


وحلفته بهواها مايسبش في يوم اديها


لقتني باعلى صوتي


اصرخ وبقول حرااااااام


------------------


ياكل اتنين حبايب


ببعت ليكم جواب


من عاشق قلبه دايب


من الحب ومن العذاب


اياكوا في يوم تفارقوا هاواكوا مهما كان


وكفاية كل ليلة بمشي في نفس المكان
--------------------

لقتني باعلى صوتي


اصرخ وبقول حرااااام

الاغنية دي للعظيم صابر لرباعي

ولنكها اهه

http://www.ozq8.com/west/saber/shari-algharam.rm

ياريت ياجماعه تشاركوني بفكرة عمل بلوج عندي خاص بالاغاني اللي انتوا اتأثرتوا بيها وليها ذكرى معاكم اوحاسين بيها واكيد انتوا اصحاب واعضاء يهذا البلوج