Thursday, July 12, 2007

اليك

اكتب بين هذه السطور لاقول لك بضع كلمات
اكتب وكلي ثقه انك لن تعرف به ابدا
لن تقرأ ولن تعرف ماكتبت اليك لا في حياتك ولا في مماتك
اتعرف لماذا ياهذا...؟
لانك لم تكن يوما قريبا مني او تعرفني
رغم انك مجبر على ان ترعاني
وانا مجبر على طاعتك
ولكن دعني اكمل ارجوك..؟
لكن اسمحلي ان اقول انك لم تكن يوما انا
بل كنت راعيا لثمرة ترعاها
لا تعرف ماهو حقها
ولكن تعرف فقط كيف انت تريدها
لم تترك يوما لها الفرصة لتكون ذاتها
بل كانت انت
اسمحلي ان اقول لك ماقلته لك مرارا وتكرارا
اسمحلي ان اقول ما اعرف انه يجرحك
انت لم تكن عبدا لربك انت عبد للمال
نسيت ان المال لن يرسم من نفسه السعاده بداخلنا
نسيت انه عونا وليس غاية
نسيت ان ليس لك عندنا ذكرى
نسيت ان عند موتك لن نتذكرك
اتعلم لماذا لانك لم تكن في حياتنا يوما
وان وجدت
كنت مخزون للمال
لم تعلمنا ماهو الحنان
تعلمته من نفسي ممن حولي
تعلمته ممن انت تبغضهم
لماذا.......؟ لانك تراني اقرب اليهم منك
لم تسال نفسك لماذا
ولكن سالت نفسك كيف امنعه
لم تبحث عن سبب ولكن بحثت فقط عن نتيجة
نسيت ان لكل امر عواقب ونسيت ان نتيجة لمنعك لي تكون بغض وكره لك
ليس لذاتك وانما لما انت عليه
ابي احن اليك في محياك
وساسعد عند وفاتك
لا تستغرب فانا اريد اب
اريد اب له ذكرى
له حنان
اسمحلي ان اسالك.....؟
اين كنت عندما كنت انا صديق للمرض ...؟
اين كنت لتنتشلني يوم بكيت على حالي....؟
اين كنت انت عندما تمنيتك بجانبي....؟
..!!.اتعلم انني اعرف اين كنت
كنت عبدا ولكن ليس في الارض؟
لماذا واين .....؟؟
اين....في الغربة
لماذا....لانك اردت ان ترعاني وتوفر الراحه
نسيت انّ نصف العلاج يكون بوجودك
ابي اسمحلي ان اعتبرك ميت منذ ان قررت ان تسافر
ابي هل تعرف ان رؤياك عند نهاية كل عام كانت كدخول غريب بيننا
اتعلم انني كنت اتمنى سفرك ثانية باسرع وقت
ابي انا لم استسلم لهذا الشعور ابدا
ولكن من شاب على شيء اصبح منه
وانت اصبحت من الغرباء
ابي انا لا اكرهك ولكن اكره ماانت عليه
ابي اتعلم
انا لا اتمنى ان اكون مثلك
ابي اتعلم
لست انت مثلي الاعلى
اتعلم مثلي من
.........؟!!؟
مثلي هي الدنيا
مثلي.... ان اكون حنونا على الكل
مثلي...... ان اساعد في رسم الابتسامه عند الكل
مثلي ......ان احافظ على اهلي ولو بالقوة
ابي ربيت في داخلي الخوف من المواجهة
اتذكر ونحن نجلس ووجدت ذلك المصري وهو يضرب امام عيني زوجته
وكل ماقلته انت
ايه اللي خلاه يتحط في الموقف ده
لم تدعني اساعده ولم تدع نفسك تساعد نفسها
تخيل لو انك وضعت في مثل هذا الموقف
ابي ذلك المصري كان يُضرب من اجل ان يحافظ على كرامة اهله
ولكن احب ان اعرِّفك ليس الاهانه في عدم المواجهة ولكن الاهانه في الهروب
ابي يكفيني شرف المحاولة
ابي
ان تندم على مافعلت خير من ان تندم على مالم تفعل
ابي
ياليتني اخترت ابي
ابي كتبت اليك مالن تقرأه في حياتك او مماتك
فهلا كنت ياربي الي خير مهدي وراعي
ادعوا لنفسك يابي قبل ان تدعوا على من تدعوه ابنك
ابي لم اقدر ان ازين كلماتي
لم اجد ما يعبر عما في داخلي من صور
ولكن تمنيت ان اخرج قليلا منه هنا
بين من يفهمني ومن ليس عنده مصلحة من كلماتي
ابي رفعت كل الحدود
وتنازلت عن كل القيود
ولا ان اضع اتزاماتي
ابي اتمنى ان تعود ولو لايام
ابي اريدك ان تعلمني كيف ان تكون ابا
ابي اريدك ان تعرفني كيف يكون حنان الرجل
ابي فلتذهب الى ما تتمناه وليكن راعيك هو الله

ولكن اتركني لحالي
اتركني اهتدي لذاتي
ابي شكرا على مالم تفعله لي

21 comments:

ساعه الغروب said...

كتير اوى بنحب حد اوى اوى اوى
بس بننتقد احيانا تصرفاته
او بنكره عاده فيه مهما كان الحد دا قريب


مش عيب ولا غلط اننا عشان اتربينا صح نقول مش عايز ابقى زى حد عايز اكون نفسى

ومش عيب ولا غلط ولا حتى حرام انى ارفض تصرف ابويا او امى
بس المهم انى ما اكررش عاده ضايقتنى اوى وسببتلى كل الالم دا مع اولادى

يا رب نقدر نكون افضل
ونقدر نسعداولادنا اكتر

ويا رب نقدر نبعد عن كل السلبيات اللى مش عجبتنا فى الناس اللى عرفناها ونقدر نطبق كل حاجه ايجابيه اتعلمناها او حتى لمحناها فى لحظه حنان حتى ولو كانت مش من اهلنا

المهم اننا اتعلمنا من اللحظه دى
اننا ممكن نكون افضل

حول كل شئ سلبى فى حياتك لشئ ايجابى

تقدر
بس ثق فى نفسك اوى اوى اوى


ربنا يوفقك

ويا رب يكون فى فرصه انك تقرب من والدك اكتر

ان شاء الله

ويا رب تقدر تكون افضل

على فكره احساسك واضح اوى

ربنا يوفقك

شكرا ليك واسفه تانى زى كل مره على التطويل

:)

Anonymous said...

زيارتى الاولى لمدونتك والاقى كل القلق ده؟

على فكره انا عامله تجمع بلوجرى جامد جدا بمناسبة نجاحى وتخرجى على خير
والتفاصيل على مدونتى الصغنونه..اللى من غير فذلكه

one true thing said...

ينفع أقول لحضرتك قلبت عليا المواجع
يمكن أنا حد في نفس الظروف الأب الذي يتغرب عن وطنه من أجل حياة كريمه لاولاده
يمكن أنا حد كان وهو صغير متعلق بأبوه
ويمكن دلوقتي محتاجله جدن بس اعذريني
حضرتك قاسي اووي اناني اووي
بصت للموضوع من وجه نظرك انت بس انك محتجله وهو مش موجود
عمرك قعدت تفكر انه هو محتجلك اكتر من مأنت محتجله
عمرك فكرت نايم تعابن ولا شبعان
عمرك فكرت تنجح علشان تعوض سفره اللي ملهوش تفسير غير انه همه راحتك انت واخواتك
اه انت محتجله معك حق بس تخيل لوكنت
مش لابس اللبس اللي انت لابسه دلوقتي
ومش قاعد تكتب ادام الكمبيوتر اللي هو جيبلك دلوقتي
وانك هتنام بكره وانت جعان كأن زمانك
كرهت بابك الف مره وكل مره تشوف الناس عايشه وانت ل كنت زعلت منه اكتر من كد بكتير
صدقيني ماتتضحكش على نفسك وتقول بس هو يجي ويقعد وناكل عيش حاف والناس كلها عايشه ومابتسفرش
حرصه وخوفه وقلقه والبلاد ووضعها
هو اللي خلى الناس تهرب من نفسها عشان ولاده مايشوفش اللي هم شافوه
اعتقد انه اقل واجب انك تعمله تمثال مش تقوله انت بنك
ومش هفتكرك يمكن دا كلام ساعة زعل وانك مضايق
بس صدقيني لو حصله حاجه بعد الشر انت اول واحده هتزعل عليه ومن قلبك
دا ربنا قال ولا تقول لهما أف
ياعم الحاج دهو اللي خلفك وعلمك ازاي تمشي وتتكلم
مش اول ماينطق أبو الهول يشتم في الاهرامات
اسفه ع التطويل ولو كنت زودتها بس بجد ديه الحقيق وبجد سوري لو توون الكلام حاد زي اختك باه

بحاول اكون said...

السلام عليكم
ازيك يا حازم
تعرف اني انا نفسي اقول كلام زي ده ويمكن اكتر بكتير لابويا واخويا لانهم بجد اوقات كتير بيبوظوا حياتي بطريقة وحشة وبيحسسوني اني انسان الي بيحركوه على كيفهم ، وبيحاولوا يلغوا تفكيري ويفكروا هما بدالي
اوقات بحس ان عاوزاهم يبعدوا عني ويسبوني اعيش حياتي بطرقتي
واوقات بحس اني محتجاهم اوي بس للاسف مش بلاقيهم جنبي
اسفة اني طولت عليك بس اصل انت جيت على الجرح
ياريت اشوفك انشالله في التجمع بتاع وينكي
ربنا يوفقك
سلام
منى

عمر عاشق القرآن said...

الحقيقة انا وانا بقرأ الكلام ده جه فى بالى 3 أصحابى ويمكن لو فكرت شوية اعد 10 او اكتر من صحابى عندهم نفس المشكلة

ولو فكرت شوية كمان هلاقى ان تقريبا أغلب صحابى الا من رحم ربى بيعانوا من بعد ابائهم حتى لو مسافروش

انا الحقيقة بقول لاصحابى اللى فى الحالة دى "انه بيحبك وانه عمل اى حاجة علشانك انت وانك لازم تحبه وتقدر تحبه بس حاول تنسى اللى فات وقرب منه دلوقتى وبعدين فى نفس الوقت متخليش ده يأثر عليك فى حاجة وكمان اديك بتتعلم علشان لما تكون أب"

كراكيب عادل said...

انا متفق مع مشروع بطل كليا

وفر علي الكلام

:)

Ana keda said...

عارف انا اول مرة اجيلك بص انا عندى فعلا اصحابى كده بجد يعنى عارف بص انا مرة كتبت حاجة حتى عليهم وجعنى اوووووووى الى هم فيه بس اوعى اوعى تتمنى ان والدك يروح عنك عارف انت ممكن انت الى تبدا اسال رخم عليه ادلع اعمل اى حاجة مش معقول لو رحت قولتله بحبك يا بابا اوى ولو حتى فى التليفون اه هيشتغرب بس هيفرح اوى

ليه يا حازم متقلبش الموضوع منك انت اه انا عارفة انه صعب وانى بتكلم من منطلق انى بعيدة عن الوضع بس ليه انت مستنى الوضع ده يا عمنا

فبص بقى انا هرخم عليك بجد لان عندى واحدة صاحبتى بجد نفس الموضوع بس باباها يريته متغرب لا والله موجود

اين انت يا من تدعى ابى؟؟
اين انت يا من يقال انك من اكثر ما يشعر بى..
اين انت يا من يفترض اول من يمسح دموع عينى ...يربت على يدى
اين انت يا من ارمى فى حضنه فانسى ما بى من الالام
اين انت يا من تحمنى من نفسى ومن حولى حتى منك انت
اين انت يا من اعز بك وانت ابى ..من حملنى..من علمنى

كل هذا الم يفترض ان تكون انت الفاعل ...انت الاول...
الن تكون ليوما بطل قصتى التى انت فاعلها
الن تكون يوما حانيا وحتى لو فى الخيال ...حتى ذلك لم اكن بارعة فيه

انت وانت كفانى انت
لقد تعودت الحياة بدونك حتى صار يوم ان تحنو على او تضحك فى وجهى هذا الغريب
لقد رتبت على يدى واحتضنت نفسى بنفسى لانى واثقة من انك لن تفعل
لقد كنت انا ابو نفسى نعم صرت ابى نفسى
صرت اتخيل نفسى اعاقبها ان فعلت الخطأ ...اكافئها عند الصح
لانك لن تفعل

اتتهمونى بالقسوة وانى عاقة لالالا يا حضراتى
انك ابى وانا احبك لكن اتعلم حبك لا يزيدولا ينقص فقط يظل كالماء الراكد
انت كالبيت المتهالك عندى حتى لا تحاول اصلاحه

كفاك ما فعلته بى يا ابتى وانى اقولها وانا متهالكة منك اكاد لا اقوى على نطقها
اين انت من حياتى...من يومياتى...من ذكرياتى...
لا اكاد اتخيلك سوى شبح يمر بذاكرتى ويريد منى كل شىء مثل اى اب حانى عطوف
كفاك وكفانى فانك تدمرنى وتعيق خطواتى
لما ابتى الست انت من المفترض ان تحن على..تقبلنى وتبارك لى
لالالا كفاك وكفانى تعذيب نفسى
كفانى تحطيم ما بداخلى ...انى اتهالك ...اسقط فى بئر ليس له قاع وانت من تجذبنى اليه
ومن يرد ان يرفعنى ترفضه لما كل هذا؟؟؟
لو لك سبب ومبرر قل لى
اريد ان اكون المخطئة هذه المرة يا ابتى
كفاك وكفانى انى ساصمت كما علمتنى دائما فهناك مشاعر لا تقال ونشعر بها وانت لست من يقدرها


يا رب مكونش طولت بس دى كتبتها عليها فطلعتها يعنى

.:.-=- ELGaZaLy-=-.:. said...

ياه يا حازك ازيك يا ابنى واحشنى جداااااااااا


كنت فاكر انك اعتزلت التدوين وكدة

تعرف انا الى حد ما حالتى شبة حالتك مش اوى يعنى بس انا والدى كان شغلة بيخلية بعيد دايما بس انا قرب اوى يا حازم تعرف انى حاليا بحس انى حمار كنت حمار كبير بجد يوم ما زعلتة منى ...زمان مش عارف مين قالى بكرة تقول يارب يرجع ويديك بالجزمة حتى يوميها هريتة تريقة بس حاليا شايف انة كان صح مليون فى المية

يمكن العيب مكانش فية بس يمكن كان فيا انا كمان وبكتير اوى..صدقنى يا حازم فكر شوية هتلاقيها كدة

انا زمان كنت بشك انة كان بيحبنى كنت بحس انة بيحب اخويا الصغير اكتر بس فهمت لية بعد ما بعد لانة كان حاسس انة مش هايعيش لما يشوفة بيكبر وان حبة لينا كان متساوى بشكل رهيب بالعكس حبة كان اكتر من حبة لنفسة كمان ...لازم تحب وزالدك يا حازم اغفر وتسامح صدقنى الاب جزء رهيب فى حياتنا ..انا اسف انى بنصح وكدة بس انت فكرتنى بموقف شوفتة زمان اوى واحشانى يا حازم ويارب تبقى مبسوط فى مكانك الجديد

ody911 said...

واد يا حازم


أنا علقت على البوست دة مرة


فين بقة هاه
؟؟؟؟؟؟


شكلك بتمسحوا يا مرسى

أخبارك إيه يا حبيبى

عارف إنى مقصر معاك


بس إنته كمان مبتتصلش

أسأل يا معفن


أشوفك النهاردة على النت بقة

وآه

نمشيها عادى بقة مدقش

وربنا يهدى بقة

أودى

آه

ربنا يسترها

smraa alnil said...

يااااااااااه يا حازم

فكرتني ليه بس

بجد مش عارفة اقولك ايه

خفف علي روحك شوية يا حازم

وارمي كل حاجة وراك
اوعي تكون زي اي حد غير نفسك

وادعيله بالهداية

انا من اول ما قريت عرفت انت بتتكلم عن مين
لاني اعتبر معاصرة كل الشماكل اللي انت بتقول علهادي

معلش يا حازم
زي ما قلتلك قبل كدة
فترة وهتعدي
عشان تكون انت بس اللي فيها ةبعد كدة تبقي ليك حياتك الخاصة

ادعي وقرب من ربنا بس

سكوت هنصوت said...

عذرا للمقاطعة
نحتاج الى رأيك ودعمك في حملة القضاء على المخدرات انتظرك هناك
www.tw3ya.blogspot.com

بين الأمل و اليأس said...

ساعة غروب
المشكله ان الحب ده بيجي غصب عننا يعني مش احنااللي بنحب ابونا وامنا
والمشكله انهم اغلى حاجه عندنا لكن نفسي احس بمعنا الاب نفسي وده مش طلب صغير عارف انه صعب بس كل انسان وليه احتياجاته فيه اللي بيحب بعبش ولاده مستريحين ماديا وبالنقابل مابيكنش موجود معاهم وفيه اللي زيي الي بيطلب الراحه النفسيه ومش مهم الفلوس
وعلى ما اعتقد انتي اكيد عارفه معناها ايه لما تستريحي نفسيا وكل اللي موجودين عارفين معناها ايه ويارب يخليلنا اباهتنا وامهاتنا ونقدر نعرف كلنا معناها ايه الكلمتين دول
يارب اقدر اكون اللي اناعايزه يارب
وصدقيني انا مش بكرهه انا عايز حاجات بشوفها عند الناس نفسي تكون فيه
ويارب الكل يفهم نقطتي اللي بتكلم فيها
وربنا يسترها




***********************************
وينكي
نورتيني والف الف مليون مبروك
وانا جيتلك على فكره هناك في المدونة واعتذرتلك
وربنا يسترها




***********************************
one true thing
بصي اولا انا اسمي حازم يعني راجل مش بنت
(وش بيضحك مطلع لسانه)
ثانيا طب هو كبير وبيعاني امال اولاده اللي بيتربوا دول مش محتاجينه
مين محتاج مين اكتر الكبير ولا الصغير
وهل هو ادانا حقنا واحنا صغيرين وكان موجود معانا عشان لما نكبر نراعي ظروفه
ولا مطلوب من الاولاد يعيشوا بدون اب طول حياتهم عشان ابوهم بيدور ليهم على المم اذا كان نفسه في اولاد يبقى لازم يقف جنبهم يوجههم لكن يسيبهم في اهم مراحل حياتهم ويروح عشان المم
صدقيني ان اللقمه الصغيره تمفي ميه لو كنا كلنا مع بعض
انا عن نفسي مش عايز لبس ولا بتاع انا عايز اعرف معناها ايه الابوة شكلها ايه
وعارف كويس الف مره اننا هازعل عليه اوي بس انا كتبت في لحظة اللي انا نفسي اعرفه واحسه
وصدقيني انا بستقبل الكلام بصدر رحب وموافق على كل الكلام اللي انتي قلتيه وانا فكرة فيه ومتاكد من صحته بس هاتعملي ايه بقى في اللبيتبتر على النعمه
وربنا يسترها يارب




***********************************
بحاول اكوون
عارف والله الاحساس ده
بس هانقول ايه همه اهلنا والمشكله فاكرين انهم صح يارب يقوينا على اننا نستحملهم ومنعقهمش
ويارب يقدروا همه ياراعوا ان فيه لينا عقل زي مليهم عقل
يارب يقدروا يحسوا بينا ويخفو الخوف ده شوية
وربنا يسترها





***********************************
omar مشروع بطل
عارفانها عند ناس كتير اوي
بس المشكله زي مابيقولوا الطيور على اشكالها تقع
وكل واحد ليه في نظره مفهوم الحب والطريقه اللي بيعبر بيها والمشكله بقى ان طريقة تعبير الاهل عن الحب مش بتتوافق مع احتياجتنا ومعظمنا كدا لكن بنكون عارفين اهم بيحبونا
وربنا يسترها



***********************************
كراكيب عادل
منورني ياباشا ووصل المغزى
وربنا يسترها

بين الأمل و اليأس said...

Ana keda
اولا منورني جدا وشرفتيني بحضورك وتعليقك
ثانيا بقى صدقيني
اننا ببقى عايز اوطي على ايده ابوسها بس غصب عني مابقدرش لانه بنى حاجز كرامه بينه وبين اولاده
متخيله معناها ايه كرامه بين اب وابن
الله كلام جامد وخطير
فعلا انا بحبه اوي اوي اوي بس بدور عليه اوي ومحتاجله اويبس ياريت يفهم هو انا محاج ايه
ونسبة احتياجي للفلوس قد ايه واحتياجي ليه قد ايه
بجد انتي وصفتي اللي انا عايز اقوله
وفهمتي اننا مش بتمنى موته انا بتمناه هو
بجد نورتيني واسعدتيني
وربنا يسترها




***********************************
.:.-=- ELGaZaLy-=-.:.
ياه بجد انت وحشني اكتر

صدقني انا عارف انه بيبني بس زي منا قلتلك اننا مش عايز اسلوب تعبيره بالفلوس اناعايزه بالاحساس
وصدقني انا بموت فيه بس نفسي احسه مش اشوفه
نورتني بجد
وربنا يسترها





***********************************
ody911
ياعم منغير ماتعلق تعليقك وصل صدقني
وياعم ولا يهمك في اي وقت تنور
وعادي بقى
ولا يهمك
وربنا يسترها



***********************************
smraa alnil
منوراني دايما ياسمرا
من غير متقولي
انا بحس ان كلامك وكتابتك عندي لو اسمك بس شرف لي كبير
وصدقيني انتي فعلا على درايه بكل الشماكل مش المشاكل
(عسل)
والله انا رامي من زمان
بس كل حاجه ليها طاقةوانا جبت اخري
ووالله كلامي واضح مش زي الكل ماهو بيقولوا اننا بدعي عليه انا بس نفسي ارعفه نفسشي احس بيه
وربنا يسترها




***********************************
sokoothansawat
نورتني
او نورتيني
وان شاء الله هاجيلك وهاعدي عليك واد
يك دعمي بجد ومش هزار
وربنا يسترها

قطوف said...

بص يا عمى وعم عيالى انت أسلوبك جميل خلانى اتأثرت به وجه على حاجه بتوجعنى خلانى أشوف البوست الى قبله والى قبله وكان باين فيهم جمال أسلوبك
مشكلتك كلنا بنعانى عشان خايفين علينا جبن وذل عشان نفضل معاهم
انا فى الاول كنت بعمل مشاكل كتير أوى عشان أمشى الى فى دماغى حتى لو كان غلط عند من الأخر معاه
بس الوقتى عرفت هو كده يعنى هو بعمل كده عشان خايف عليا من الآخر بخده على قد عقله يعنى كلمه كده وكده من وراه المهم مزعلوش عشان أريح دماغى
يلا يا عم فك معقو اول زياره يبقى المود ده ممكن أضيف مدونتك عندى
مستنى زيارتك

Unknown said...

كل سنة وانت طيب

ورمضان كريم(:

Ahmed Al-Sabbagh said...

كل سنة وانت طيب يا حازم
وعيد سعيد عليك


تحياتى

Unknown said...

كلامك وجعني اووي

اتمني ان علاقتكم تتحسن وتبقي زي مانت بتحلم بيها

انا عارفه ان ده صعب لكن أكيد مش مستحيل


كل سنة وانت طيب
وعيد سعيد

Ahmed Al-Sabbagh said...

نظرا لتميز مدونتكم فقد تمت اضافتها لدليل الصباغ للمدونات

===============================

شاركنا الشعب الأمريكى أحزانه على ضحاياه فى ذكريات سبتمبر/أيلول الأليمة

لكن دعونا نذكر العالم بالجرائم الأمريكية التى أرتكبتها الولايات المتحدة ضد أبرياء وأطفال ومدنين

شارك وأدعم فكرة تخصيص يوم 30 أكتوبر يوما للجرائم الأمريكية


أحمد الصباغ

mohamed emera said...
This comment has been removed by the author.
mohamed emera said...

كلمتك ابكتنى
وش عارف اقول ايه
الحمد لله على كل شئ
تحياتى

Hayam said...

احييك على انك قدرت تطلع لي جواك بالصدق ده...
يوجد الكثير في قلبي ولم استطع ان اعبر عنه يوماً
اجمل ما شدني للقراءة هو انني لم ارى فيك اليأس.. وانك مصّر على تحويل الجحود الى حب لمن حولك

احييك بجد

نصيبنا من الدنيا يمكن ان يكون اقل مما نستحقه .. بس نصيحة اثبت لنفسك انك حتعيش وكأنك اسعد انسان في الارض وحول حزنك لحالة حب
تخلي كل واحد يشوفك يقول عنك اسعد بني ادم في الدنيا