ياريت تسمعوها وانتوا بتقروها
.jpg)
في يوم انا كنت ماشي من شارع الغرام
قابلت اتنين حبايب
في صمتهم كلام
شفت عيون بتبكي
وعيون بتقول سلاااااااام
لقتني باعلى صوتي
اصرخ وبقول حراااااااام
وخفت اشوف حكايتي قدامي من جديد
لقتني غصب عني
رحت عليهم جرييت
مسكت اديه بايدي
مسحت دموع عنيها
وحلفته بهواها مايسبش في يوم اديها
لقتني باعلى صوتي
اصرخ وبقول حرااااااام
------------------
ياكل اتنين حبايب
ببعت ليكم جواب
من عاشق قلبه دايب
من الحب ومن العذاب
اياكوا في يوم تفارقوا هاواكوا مهما كان
وكفاية كل ليلة بمشي في نفس المكان
--------------------
لقتني باعلى صوتي
اصرخ وبقول حرااااام
الاغنية دي للعظيم صابر لرباعي
ولنكها اهه
ياريت ياجماعه تشاركوني بفكرة عمل بلوج عندي خاص بالاغاني اللي انتوا اتأثرتوا بيها وليها ذكرى معاكم اوحاسين بيها واكيد انتوا اصحاب واعضاء يهذا البلوج
31 comments:
جميلة قوي
تصدق انا حاسة بيك
وعارفة انت ليه كتبتها وحاسسها اوي كدة
اناطبعا تعلقي مش خلص علي كدة
انت عارفني رغاية
بس حبيت احجز مكاني
ادعيلي لحسن انا عندي بحث جكلي مش عايز يخلص
جايالك تاني بس هروح انانم:)
ازيك
حلوة الاغنيه واكيد انت سمعتها وحسيتها عشان كدا كتبتها
بس
اياكوا في يوم تفارقوا هاواكوا مهما كان
مش شايف انه صعب
لان مش بأيد اى حد انه يمنع الفراق لو مش فيه نصيب
او ممكن يكتشف ان اللى كان بيهواه مش يستحق هواه
فلازم كدا يفارقه مهما كان
:)
حلوة الاغنية
والكلمات فيها معامى جميلة
شكر على اختيارك
تحياتى
VĚЯŎ
شكرا لمرورك ونورتني بمشاركتك
ومتنسناش بتشريفك ليه
وربنا يسترها
----------------------------------
smraa alnil
ربنا يخليكي يارب واكيد منتظرك تاني وتالت ومليون لو امكن ليكي
وعلى فكرة انتي بتشتميني كدا وتقصدي تحرجيني لاني انا اللي رغاي
وانا واخد توكيل الرغي ومحدش غيري هه بقه
ومكانك محجوز ولو مفيش لاني عارف بقه الزحمة وكدا لكن ليكي وان مشلتكش المدونة اشيلك بين الحروف
هههههههه
متسقلنيش معناها ايه
المهم ربنا يوفقك يارب ويعدي البحث على خير بس هو النوم ماثُر للدرجاتي
انا عندي بحث جكلي
ايه جكلي ددي انا عايز اعرف ده بيتكتب ولا بيتقال بالبق صوت يعني ولا على ورقه
ربنا يقويكي يارب ومستنيكي اكيد
وربنا يسترها
----------------------------------
moorgen
صدقيني الفراق صعب واحنا اللي بنتخلى عن اللي بنحبهم انا مازلت مقتنع بكدا اكيد محدش في الدنيا دي بيجبر على شيء احنا اللي بنزهأ وبنكبر ومابنرضاش نتحمل اكتر
بس صدقيني بادينا نمنع الفراق
والنصيب ده حاجه تانيه خالص
النصيب في حاجه احنا مش بنختارها النصيب في النتيجه
مش نحب وفي الاخر نسيب اللي بنحبهم ونقول دا النصيب
النصيب بعد التوكل على الله مش التواكل
اه لو نفهم كلنا الحب واللي ممكن نعمله واللي في ادينا
معلش انا تقلت عليكي في الرد
بس هو ده رايي والاختلاف لا يفسد للود قضيه
وربنا يسترها
----------------------------------
tamer
شكرا على مرورك ياعسل ويارب تكون عجبتك فعلا
وربنا يسترها
ازيك يا ميزو
ايه يا عم
انت باين عليك واقع لشوشتك
:)))
حلوة جدا
جميل اختيارك والكلام جامد
هام جدا هام جدا
اولا ايه رايكم ياجماعه لو عملت بلوج جديد خاص بالاغاني اللي لمست احساسنا واللي يحب يكون عضو فيها يبقه تمام وهانبقه ننقاش ذكرى كل اغنيه لكل واحد او مثلا اللي هاينزل فيكم اغنيه يحاول يشرح معناها بالنسباله او سبب اعجابه بيها وكدا وكمان تبقه بلنك التحميل عشان الكل يقدر ينزلها
ياريت تشاركوني الراي
وربنا يسترها
محمد مفيد
بجد انت نورتني ونورت عالمي المتواضع ده
والله مش واقع بس هو فعلا حنين للماضي وجمالة ورغبة في انقاظ العالم من ضياعه
وياريت تنورني علطول وتشاركني رايك في فكرة مدونة الاغاني دي للتفاصيل انظر بالاعلى وياريت تكون عضو معايا فيها
وربنا يسترها
------------------------------
تامر عفيفي
اشكرك حبيبي على هذا الاطراء
وربنا يسترها
-----------------------------
سمراء النيل
انا حاولت اسيبلك كومنت عندك بس مفيش اساسا مجال للكومنت رافض نهائي انه ينزل لنك الكومنت عندك
وتعليقي مش هايكون غير عندك ومقدرش غير يارب تخرجي من اللي انتي فيه
ومستني الكومنت بتاعك بعد البحث
وربنا يسترها
حلوة قوى الاغنية 3
اختيار ممتاز
اهنيك
.
امال بالنسبة لفكرة بلوج مخصوص للاغانى اللى لمست كل واحد فينا
فدى فكرة حلوة قوى
ياريت تنفذها
طب اقولك ايه
وارد اصلا اقول اه
بجد ش كنت متخيلة انك ممكن تهتم وتكتبلي تعليق عندك لعدم قدرتك انك تكتبه عندي
ربنا يخليك ليا يارب
والله انا مش كنت معتقدة ان الموضوع يوصل للدرجة دي
كان بس يوم وعدي
ادعيلي بس ان ربنا يهونها عليا
بص بقي
بالنسبة لموضووع الاغاني دة
فانا معاك يا مان
بس استني كدة لبعد نص الاسبوع الجاي اكون خلصت من البحث التاني
اوكش
وربنا يخليك ليا يارب تاني
الأغنيه دى فظيعه... بس المشكله إنه بيدينى إيحاء إن الدنيا باظت خلاص
عارف إنت نظام تبقى ماشى فى الشارع مخنوق جدا فحت خالص يعنى و بعدين مره واحده تلاقى حد جنبك بيقوللك
حراااااااااااام
تبقى انت مش طايقه و لا طايق نفسك و نفسك تضربه بالنار
بس بالنسبه لى أى حاجه من صابر الرباعى تبقى تحفه
بس خلاص
:)
انت باين عايك جبت جاز
بس الاغنية جامدة اوى
انا عارفة ان لكل واحد وجهة نظر
ولازم تحترم حتى لو كانت مختلفة
بس صدقيني بادينا نمنع الفراق
والنصيب ده حاجه تانيه خالص
ازاى تقدر تمنع الفراق
لو لقيت كل حاجة ضدك وانت مش بأيدك اى حاجة والحل الوحيد والاسلم ليك هو الفراق فى االحاله دى تقدر تمنعه ولا تاخد بالاسباب
ولنفرض حبيت وسيبت اكيد انت مش متعمد انك تسيب والا مش تبقى حبيت لكن فى ظروف وحاجات ممكن تكون اكتشفتها كان لازم فى الاخر تتنتهى بالفراق
وانا معاك ان فيه فرق بين اللى يحب ومش كان بأيده الفراق وبين اللى تخيل انه بيحب ومع اول مشكله اسهل حل كان الفراق
عموما هة وجهة نظر
وسورى لو كنت طولت
حلوة الاغنية
شكر لك
Carmen
شرفتيني بجد بحضورك وبتنويرك ليه المدونة
وان شاء الله ناوي هافتح البلوج ده بتاع الغاني لما اجمع مجموعة كبيرة تشاركني فيه عشان يكون بلوج للجميع وكمان عايزكاول الاعضاءوياريت تشاركوني باسم ليه
وربنا يسترها
----------------------------------
smraa alnil
يابنتي واللهانا مش كتبتلك عشان حاجه انا معرفكيش اساسا بس كل اللي اعرفة انك انسانة ولازم الانسان يحس ببني الانسان واللي عددهم بينقص يوم بعد يوم فطبيعي صدقيني ان كل اللي كتبلك ولو كلمة انهم اكيد حاسين بيكي انه صفاء النفس ونقاؤها ماجمعنا في عالم البلوجر
ويابنتي كلنا بنعدي بمراحل وبجد انا حسيت بيكي اوي وخصوصا انك كنتي بمعنى الكلمه في حالة يرثى لها بس الحمد لله انا اطمنت عليكي ويارب تكوني احسن وتهون عليكي يارب
وبالنسبة للاغاني فانا مستنيكي كعضوة اكيد فيه
وربنا يوفقك ويحفظك ويرعاكي بعنايته الالهية يارب وتعدي كل حياتك بفرحة وراحة بال
وربنا يسترها
-------------------------------
soul
لا بالعكس لسه الدنيا بحير
بس هو احساس بان الواحد قصر في حق ناس عشان كدا انا بعز الاغنية دي
بس تخيل فعلا لو حصل موضوع بتاع اللي يجي يقلك حرااااااام ده هاتبقه ليلته سوده بس مع صابر الرباعي اكيد تسمع واحنا ساكتين
وربنا يسترها
أجدع واحد في الشارع
بجد نورتني ياباشا
فعلا نفسي اكفر عن ذنبي
واشوف اللي مقدرتش اعمله الناس اللي بتحب تعمله
وربنا يسترها
----------------------------------
moorgen
انا معاكي فعلا احنا بادينا كل شيء وخصوصا لو توكلنا مش تواكلنا
وانا معاكي في كل كلمة انتي قلتيها وانا مش شايف ان فيه اختلاف في الفكرة اساسا
وياستي خدي راحتك خالص انا بجد بحب النقاش الهادف اللي يوصل لنتيجه وللصح
وربنا يسترها
-------------------------------
ana mean
شكرا ليك انت انك نورت مدونتي المتواضعه وياريت تنورني علطول
وربنا يسترها
اكيد هذه الاغنية جميلة .. لقد تعودنا دائما الأفضل من الفنان صابر الرباعي
لو هتعمل البلوج
في أغاني كتير كنت بحبها بس المشكلة اني ولا بلاقيها ولا بالقي حد عارفها
عارف لما لقيت أغاني أميرة كنت هاتجنن من الفرحة وقعدت اسمعها مليون مرة يمكن علشان ذكرياتها ليا مش علشان الاغاني نفسها
ابقي قوللي آخر اخبار البلوج دة
مممم
كان في زمان أغنية اسمها كل شئ حبيبي بيفكرني بيك لباند اسمهم جيليانا..طلعت روحي بس لقيتها
وفي أغنية اجدد بقي كنت بحبها اسمها دة اللي قدرت علية
لبنت اسمها زينة معرفش اصلا غنت ايه بعدها ولا ماغنتش
بس فاكرة انها جت في الامتحانات والشتا وكده فحبتها
بجد انا بحب الاغنيه دى جدا
بجد بتوجعنى معانبها جدا جدا
شكرا ليكى لاختيارك
بجد جميله
الأغنيه بجد جميله وفعلا هي بتوجع اوي.
S.Hamid
حقا انه صابر الرباعي
لا يمكن الاعتراض عليه
نورتني ياباشا
وياريت متقطعش وتشرفني علطول
وربنا يسترها
----------------------------------
saso
بصي ياستي بالنسبه لرفع الاغاني لاننا مش هانوعد ندور عليها على النت فانا عندي موقع نرفع عليه بس عايز اجربه الاول وهانزله مع افتتاح البلوج
بس انا عايز اعرف مين اميره
رغم على فكرة انا عارف كل الاغاني طالما فيها عياط ودموع وصويت اكيد هاتلاقيني فيها
وبالنسبه لاغنية زينة فدي انا بعشقها وفاكر موقفها كان ايه كويس اوي
بس اشطه شكلك هاتكوني عضوة نشيطه في البلوج ده
وهانت
ربنا يسترها
ساعه الغروب
معلش اذا كنت المتك او وجعتك بس هي اغنيه انا حسيتها ومقدرتش مانزلهاش
ونورتيني وان شاء الله انتظري بلوج خاص باحاسيسنا الدفينه
وربنا يسترها
-----------------------------------
esraa
انتي هاتزعليني ليه انا مكنتش اقصد ننا اوجع حد انا حبيت اشارككم احساسي
ويارب دايما منوراني كدا وتشاركينا في بلوج الاحاسيس دايما
وربنا يسترها
أميرة اللي كانت في أغنية وسط الدايرة مع منير
حاجة كدة رقيقة وجميلة خالص كان ليها اغنية اسمها يا شمس غيبي دي اللي انتشرت اوي بس الباقي كان حلو برضة
:)
بلوج رقيق واغنية ارق
قصص الحب مالهاش نهايه
فيها اللى بينتهى بفرح
واللى ينتهى بمأساه
بس الكل ماشى فى زحام الحياه
زى الغريق يدور على طوق النجاه
والحب هو الطوق والحبيب الغريق
لو يلاقى فى يوم حبيبه
يبقى اكيد لقى الطريق
------
فكرة تكوين بلوج غنائى فكرة رائعه وانا ممكن اساعدك اذا حبيت لو عايز تدعمه ببعض التصميمات
saso
ربنا يخليكي ممكن تديني موقع انزل منه أغاني أميرة تبقي خدمتيني خدمه كبيره أووووووووووووووووووووووووووووي
مستني منك الرد أرجوكي أوعي تنسيني
مساء الخير يا جماعة انا دخلت على الصفحة دي بالصدفة يمكن علشان حظي حلو ميرسي ليكم كلكم على تعليقكم على اغنية شارع الغرام واستفد كتير من تعليقكم عليها بس انا حسيت الكلام دا ونا بكتبه ومريت بالتجربة دي حقيقي لدرجة مش عايز اشوف حد بيفترق علشان مش عارف ارجع حبيبي تاني وافترقنا على كلام خايب .. الشاعر / محمد جمعة mgomaa77777@hotmail.com
مساء الخير يا جماعة انا دخلت على الصفحة دي بالصدفة يمكن علشان حظي حلو ميرسي ليكم كلكم على تعليقكم على اغنية شارع الغرام واستفد كتير من تعليقكم عليها بس انا حسيت الكلام دا ونا بكتبه ومريت بالتجربة دي حقيقي لدرجة مش عايز اشوف حد بيفترق علشان مش عارف ارجع حبيبي تاني وافترقنا على كلام خايب .. الشاعر / محمد جمعة mgomaa77777@hotmail.com
على فكرة انا دوخت عقبال ما لقيتها
انا اصلا سمعتها ومش عارف اسمها ودوخت عقبال مالققيتها
بجد اغنيه جامده
وشكرا ليييييييييك
Post a Comment