معلش ياجماعة بس انا اتخنقت اوي
مش بقلكم ربنا يسترها ويعدي العيد ده على الخير
استفتحناه باعدام صدام
انا عايز اعرف ياجماعة هو احنا معندناش ناس تعرف تحكم عشان نجيب قضاء دولي او خلينا نكون صرحة مع بعض قضاء امريكي عشان نحكم عليه بالاعدام
هو اه انا فرحان انه اعدم بس مخنوق ان اللي اعدمة همه الامريكان وكمان الشعب العراقي لما شفت فرحتة كنت خلاص مخنوق على الاخر وعايز اولع في كل حاجه قدامي
انتوا عارفين انا بعتبر ايه اللي حصل ده ان الامريكان بيعلنوها تحدي للعرب على الملأ الاعلى ده صدام وده خروف العيد بتاعكم والجدع يتكلم وياسلام الجدعان كانوا كتار اوي
انا البارح وانا بكتب البوست اللي فات كنت عرفت موضوع الاعدام عشان كدا قلبت فب اخه اسلام ومش عارف ايه وخرج خارج نطاق الهزلية اللي كنت ناوي عليها المهم فضلت سهران لغاية الساعه 6 الصبح عشان اشوفه ومشفتهوش وراحت عليه نومه ومصلتش العيد ولما صحيت عرفت ان البيت شافوه وهو بيتعدم وفضلت اقلب في كل القنوات عشان اشوف اللحظه المهمة بس كانوا بيقطعوها بس لما اتحكالي بالتفصيل وشفت اللي كلككم اكيد شفتوه على النت من فيديوهات استغربت البجاحة اللي في الشعب العربي والامريكي
متخيلين لو كان ده لا قدر الله بعيد عن السامعين هنا في مصر ياترى الشعب بتاعنا هايفرح كدا في الحكومة وياترى هانسيب الامريكان يهاجمونا ونسيب البلد تضيع من ادينا ولا حتا نسيب الناس تشمت فينا واحنا فرحانين في الريس
ياعالم ياهوه محدش يقلي احنا هانعمل ايه ولا لو حصل ساعتها عندنا هانحارب داحنا شعب تلاته وسبعين ومش عارف ايه لا احنا ممكن نسكت ونكون حرامية زي ماحصل في العراق ونكون بدون حكومة ونبقه ملتشة العالم
فاكرين لما قامت الحرب على الكويت وانا كنت هناك والمعسكر بتاعهم كان قدامنا علطول واتعاملت والله العظيم معاهم وكنت قاري انهم ناس زينا زيهم بس محكومين من ريس طاغية مش عارف بس ايه اللي يحصل لو حصل انتفاضه من الشعب كله على الحكم مش احسن من اننا نستدعي الامريكان وساعتها الامه كلها قامت على صدام لغاية لما رجع الحق لصحابة والنهارده بتتكرر اميركا قاعده عندنا هي واسرائيل واحنا قاعدين وقال ايه فرحانين بالعيد محدش فكر اننا اللي المفروض نحكم على صدام احنا العرب دي مشاكلنا واحنا اللي المفروض نحلها
انا مش زعلان على صدام لا دا مجرم ويستحق كدا ومن الاخر انا بالمختصر بعترض على اعدام صدام بقضاء مهما كان فهو امريكي واننا واقفين نتفرج وكمان يوم العيد واحنا هانفرح في ايام التسامح والمحبة دي
ومتنسوش رئيس إسرائيل والولايات المتحدة وبريطانيا يستحقوا أيضآ الأعدام ومفيش حد يعدمهم لماذا الذل والعار فقط للعرب
انا مش عندي حل بس ياعالم ايه الحل هانفضل لغاية امته نتهان وننجرح من الغرب ونسكت
ونقول بكره ربنا يسترها نفسي الاقي حل زهقنا كلنا من الكلام والفضفضة اكيد فيه حاجه ممكن نعملها ولا انتم رايكم ايه
***********
واخيرا وليس اخرا عذرا ايها الرئيس السابق رحمك الله لم نننل شرف الحكم عليك بحكم الله
ووداعا صدام حسين ايها البطل الظالموربنا يسترها ويعدي العيد على خير بقه
8 comments:
يا أبنى
فى حجات كتتيييييييييير قوى مزعجة حولينا
مش موت صدام أول يوم العيد بس
وأنا بقولك وإنته مش مصدقنى
وهقولك إيه ؟؟
ما إنته عارف
عادى بقة
أودى
السنه بدأت زي اللي فاتت بالظبط
ربنا يستر
بص انا تعبت من كتر الكلام في الموضوع دة
مش هقول غير حسبي الله ونعم الوكيل
ورك قادر علي كل شئ
المهم انت فينك بقي
غايب كدة ومش باين
طمني عليك
انا كمان عايزة اقولك اني رقت الجزء الاخير من القصة بتاعتك وسايبالك هناك تعليق بس الظاهر انك مش اخدت بالك
ody911
ياسيدي اللي يزعجك انسفه وريح دماغك
صدام ايه بقه خلاص ما مات وراح لحالة ربنا يرحمه الرحمة واجبة على كل انسان
وبما انه ظالم فلا نملك سوى الدعاء لجميع الموتى على فكرة انا كان عندي حالة وافاة في العيد معلش
وربنا يسترها
مـحـمـد مـفـيـد
ياسيدي ربك ستار مابقتش تفرق هي القيامة قربت ياما ده غضب ربنا على الارض بجد ربنا يرحمنا
وربنا يسترها
smraa alnil
حسبي ربي ونعم الوكيل
ربنا يسترها علينا يارب
انا ياستي حصلت شوية لعابيك كده خلتلي العيد خليط من الفرح والحزن
بس الغيبه كانت بسبب اننا كان عندي حالة وفاة وكان لازم اكون في البلد مكان والدي زي مانتي عارفه انه مش موجود في مصر
بس عادي هابقه انزل بالتفاصيل قريب بس ارق بس
وقولي يارب
وبالنسبة للتعليق فانا والله كنت مستغرب انك مادخلتيش كل ده وعلى فكره انا قريت من زمان من اول او تاني وم العيد مش فاكر موضوعك بس والله من تعبي مقدرتش اكتب ولا اعلق
بس ان شاء الله خير
وربنا يسترها
كل شى ء اسا سا لايدعو للتفا ؤ ل والامل
هى دى الحقيقه
سلام
لو ياخذون من حياته عبرة يتلخصون منها الاحكام النهائية المنتظرة وصلاحية ولاياتهم متى تنتهي وكيف كم كان هذا الرئيس المعدوم في صباح هذا العيد ربيبهم
والذي قدم الى كل المسلمين كاضحية وهيدية عيد للجميع كم قوي بهم ودعم شوكته بحكم تامرهم الخسيس على المنطقة برمتها
كم انصاع هالكا شعبه وبلاده تحت عباءتهم وبإيحاء من تشجيعهم ومده الدائم بغيه وتسلطه على الرقاب ظلما كم لعبوا به كقطعة الشطرنج ارتفعوا به كثيرا ثم رموه في الهاوية واكلوه هو والبلاد قطعة قطعة الى ان وصلوا و اكلوا راسه شر اكلة
نعم كل من يتعامل معهم له يوما اميركا ليست بحاجة الى الحكام الا بقدر ما يكونوا جسرا للوصول وليس بحاجة الى شعوبنا الا قرابين تضحية لمصلحة الهمينة الاسرائيلية ولمصلحة الفكر الصهيوني الذي يرى شعوب المنطقة كلها قرابين تعد لمصلحة معركة هجمردون الموعودة
فقط لو يقراون التلمود واخر ما يتوسع به الفكر الصهيوني وما يحضر له بانشاء العديد من الجمعيات السرية العالمة كلها وبوسائل مختلفة الى الوصول لمثل هذه الغاية والذي دخلها حكامنا ولم يعد باستطاعتهم التراجع عنهم كثيرت الضغوط الى درجة الاستبداد
فصار بعضهم بيع الاخ العربي اكثر شرفا فه واقل دفعا للثمن وهو لايدري الثمن الاخير الذي ينتظره وسيدفعهنعم لو يقرا الجميع هذا الفكر ويعروفون اميركا و الى اين هي ماضية مع اسرائيل وما هي اخر متسعات تخطيطاتها الهيمنية لو يقراوون ما ذا يدبرون ليس للمنطقة فحسب بل للعالم اجمع
وكيف نحن في بركب اعمالهم نسير حسب مخطاط ترضي وتخدم غاياتهم فهم يسعون ويرسمون الى ما بعد عشرين سنة واربعين سنة بمخططات مدروسة احيانا يرمون فيه الجزر الى الشعوب واحيانا يحملون عصا التانيب حسب ما تقتضيه الخطة ريثما ينتهون من مسائل كثيرةوالكل في سير حسن يؤدي بانهاية الى المكان الذي رسموهفقط لو يدرون حكامنا وشعوبنا ويتذكرون ان العمر قصير لا داعي للانسان ان يتجرد فيه من قيمه الانسانية اولا ولا الاسلامية او العربية او ما يحمي كرامته في هذا
العمر القصير
ليت الجميع يقفون عند مفترق ما حدث ا ليوم يحسبونها ببساطة وعقلانية
ويتذكرون من دفع هذا الرئيس الى الحرب الايرانية ؟؟؟؟؟
من دفعه الى الحرب الكويتية ثانيا؟؟؟؟
ليتهم يفكرون بشكل جدي وينطلقون بفكر اكثر حكمة بعيد عن منطق التعصب الاعمى المتهور الذ ي ياكل فيه الانسان من لحم اخيه ويطغى دون حسيب او رقيب
راح صدام نتيجة صداقتة لاامريكا وتنفيذ كل ما تتطلب منة وقد انتهى دورة فى المسرحية فكان ما كان هل نتعلم الدرس ام لا
اختيار يوم الاعدام الا ترون فية رسالة فى النهاية نقول الله يرحمة لايجوز علية سوى الرحمة
واتمنى الا ارى اخر فية يوم اخر مكانة وهذا ليس مستبعد فاصدقاء الامس اعداء اليوم
تحياتى
القادم من الريف
اشكرك على المرور
والتشجيع الفظيع ده
تعالى هنا جنبي احسن
وربنا يسترها
TAMER
اشكرك حبيبي بجد حسيت ان فيه ثورة جوه الشعب من كلامك مش مجرد شعارات وهتافات بتتقال وخلاص
وفعلا صدام كان مجرد عروس دمية بتتحررك بالاحبال ولما حسوا ان حبل واحد فلت منهم قرروا التخلص النهائي واكتساب مليوم دمية جديده
وده اللي حاصل
وربنا يرحمنا بقه
وربنا يسترها
الحمد لله على كل شى
Post a Comment